بەدەلدى Goal سپورت باسىلىمى جىل سايىنعى NXGN 2026 رەيتينگىن جاريالادى. اتالعان تىزىمگە الەمدەگى ەڭ تالانتتى 50 جاس فۋتبولشى ەنگەن, دەپ جازادى Egemen.kz.
بۇل رەيتينگتە الماتىلىق «قايرات» كلۋبىنىڭ جانە قازاقستان ۇلتتىق قۇراماسىنىڭ 17 جاستاعى شابۋىلشىسى داستان ساتپاەۆ 43-ورىنعا تۇراقتاعان.
ال رەيتينگتىڭ العاشقى ۇشتىگىندە لامين يامال (يسپانيا, بارسەلونا), ەستەۆان (برازيليا, چەلسي) جانە پاۋ كۋبارسي (يسپانيا, بارسەلونا) تۇر.
داستان ساتپاەۆ الداعى ماۋسىمدا جاڭا نومىرمەن الاڭعا شىعادى
Goal باسىلىمى داستان ساتپاەۆتىڭ ويىن الەۋەتىنە جوعارى باعا بەرىپ, ونى الەمدىك دەڭگەيدەگى جۇلدىزدارمەن سالىستىرادى.
«قايرات» ساپىندا جارقىراي كورىنگەن 17 جاستاعى شابۋىلشى قازىردىڭ وزىندە «چەلسيدىڭ» نازارىن اۋداردى. ويىن مانەرى مەن شابۋىلدى ناتيجەلى اياقتاۋ قابىلەتى بويىنشا ونى سەرحيو اگۋەرومەن سالىستىرادى. ەندىگى باستى سۇراق ونىڭ BlueCo جۇيەسىنە وتكەننەن كەيىن جاڭا دەڭگەيگە قالاي بەيىمدەلەتىنى بولىپ وتىر», دەلىنگەن ماتەريالدا.
نايدجەل دجەيمس داستان ساتپاەۆتىڭ جەكە تالىمگەرى اتاندى
ايتا كەتەيىك, داستان ساتپاەۆ بيىل جازدا «چەلسي» كلۋبىنا اۋىسادى. ترانسفەر قۇنى 4 ميلليون ەۋرونى قۇرايدى. ول 2025 جىلعى قازاقستان چەمپيوناتىندا 14 گول سوعىپ, 7 ناتيجەلى پاس بەرگەن.
يسپانيالىق جۋرناليست داستان ساتپاەۆتىڭ «اقتوبەگە» سوققان گولىنا ءتانتى بولدى