سولتۇستىك قازاقستان وبلىسىنىڭ اكىمى بۇگىن وبلىستاعى سۋ تاسقىنى قاۋپى بار اۋماقتارعا اۋەدەن مونيتورينگ جۇرگىزىپ, قازىرگى گيدرولوگيالىق جاعدايعا باعا بەردى. كوكتەمگى ەرىگەن قار سۋلارى مەن وزەن دەڭگەيىنىڭ وزگەرىسى سارالانىپ, توتەنشە جاعدايلاردىڭ الدىن الۋ شارالارى پىسىقتالدى, دەپ حابارلايدى Egemen.kz.
مونيتورينگ بارىسىندا شال اقىن, عابيت مۇسىرەپوۆ, ەسىل, ايىرتاۋ, اقجار, ءۋاليحانوۆ جانە تايىنشا اۋداندارى, سونداي-اق ۇلكەن جانە كىشى تارانعۇل وزەن ارنالارى, شاعالالى وزەنى جانە اقمولا وبلىسىنداعى سىلەتى سۋ قويماسى قامتىلدى.
ۇلىتاۋ وبلىسىندا سۋ تاسقىنى قاۋپى بار اۋداندار تەكسەرىلدى
سقو اكىمى عاۋەز نۇرمۇحامبەتوۆتىڭ ايتۋىنشا, ۇلكەن تارانعۇل كولىندە ىلعال قورى وتكەن جىلمەن سالىستىرعاندا شامامەن 74%-عا ازايعان. ەسىل اۋدانىندا قار قورىنىڭ قارقىندى ازايۋى بايقالىپ وتىر. قالعان اۋدانداردا تاۋەكەلدەر جەرگىلىكتى سيپاتتا, ەرىگەن قار سۋلارى مەن مۇزدىڭ السىرەۋىنە بايلانىستى. شاعالالى وزەنىندە سۋ دەڭگەيى ازداپ كوتەرىلدى, بىراق وتكەن جىلمەن سالىستىرعاندا تومەن, مۇز جامىلعىسى بىرتىندەپ بوساڭسىپ كەلەدى.
سۋ رەسۋرستارى جانە يرريگاتسيا مينيسترلىگىمەن, سونداي-اق «قازسۋشار» رمك اقمولا فيليالىمەن بىرلەسىپ قابىلدانعان شەشىمگە سايكەس, 28 اقپاننان باستاپ سىلەتى سۋ قويماسىنان سۋدى الدىن الا جىبەرۋ باستالدى, بۇل سۋ تاسقىنى كەزەڭىن قاۋىپسىز وتكىزۋگە مۇمكىندىك بەرەدى.
ەلىمىزدەگى سۋ تاسقىنى قاۋپى جوعارى وڭىرلەر بەلگىلى بولدى
ماماندار بولجامىنشا, 25 ناۋرىزدان باستاپ اۋا تەمپەراتۋراسىنىڭ كوتەرىلۋىنە بايلانىستى كوكتەمگى ۇدەرىستەردىڭ بەلسەندى كەزەڭى باستالادى. بارلىق جاۋاپتى قىزمەتتەر جاعدايدى تۇراقتى باقىلاۋدا ۇستاپ, كۇشەيتىلگەن رەجيمدە جۇمىس ىستەپ جاتىر.
ارقالىقتا سۋ تاسقىنىنىڭ الدىن الۋ شارالارى كۇشەيتىلدى