ەلىمىزدىڭ بىرنەشە ءوڭىرىن سۋ باسۋى مۇمكىن: سينوپتيكتەر ەسكەرتۋ جاسادى

استاندا كۇندىز تۇمان تۇسەدى.

اقمولا وبلىسىندا كۇندىز تۇمان ءتۇسىپ, جەل وڭتۇستىك-باتىستان, باتىستان سوعادى, سولتۇستىك پەن شىعىستا جەلدىڭ ەكپىنى cەكۋندىنا 15-20 مەترگە جەتەدى.

جەتىسۋ وبلىسىندا كۇندىز وڭتۇستىك, ورتالىق جانە تاۋلى اۋدانداردا جاڭبىر جاۋىپ, نايزاعاي وينايدى. الاكول كولى ماڭىندا جەل سەكۋندىنا 15-20 مەترگە جەتەدى.

ەرتەڭ ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاسالدى

قاراعاندى وبلىسىنىڭ باتىس, سولتۇستىك, شىعىسىندا تۇمان بولجانعان. 

الماتى وبلىسىندا كۇندىز سولتۇستىك, وڭتۇستىك جانە تاۋلى ايماقتاردا جاڭبىر جاۋادى. تۇندە وڭتۇستىك پەن تاۋلى اۋدانداردا تۇمان تۇسەدى.

اتىراۋ وبلىسىندا تۇندە جاڭبىر جاۋىپ, نايزاعاي وينايدى. ءوڭىردىڭ سولتۇستىگى مەن وڭتۇستىگىندە تۇمان تۇسەدى.

ۇلىتاۋ وبلىسىندا دا تۇمان تۇسەدى.

اباي وبلىسىندا تۇندە جانە تاڭەرتەڭ تۇمان بولجانعان. كۇندىز اۋا تەمپەراتۋراسى +5…+10°س, وڭتۇستىكتە +13°س دەيىن كوتەرىلۋىنە, تۇنگى تەمپەراتۋرانىڭ 0…+5°س بولۋى مەن 24 ناۋرىزعا بولجانعان جاۋىن-شاشىننىڭ اسەرىنەن قاردىڭ قارقىندى ەرۋى كۇتىلەدى. بۇل وزەندەردەگى سۋ دەڭگەيىنىڭ كوتەرىلۋىنە, مۇز قۇبىلىستارىنىڭ السىرەۋىنە, ەرىگەن سۋدىڭ جانە كولبەۋ اعىندارىنىڭ پايدا بولۋىنا, كەي جەرلەردە سۋ تاسقىنى مەن سۋ باسۋعا اكەلۋى مۇمكىن.

مەرەكە كۇندەرى اۋا رايى قانداي بولادى؟

شىعىس قازاقستان وبلىسىنىڭ سولتۇستىك, شىعىس, وڭتۇستىگىندە تۇمان بولجانعان. 23-25 ناۋرىز كۇندەرى قار قارقىندى ەريدى. سوندىقتان سۋ دەڭگەيىنىڭ كوتەرىلۋى جانە تاسقىن قاۋپى ساقتالادى.

اقتوبە وبلىسىندا تۇندە جانە تاڭەرتەڭ تۇمان تۇسەدى. وبلىستىڭ وڭتۇستىگىندە كۇندىز جەلدىڭ ەكپىنى سەكۋندىنا 15 مەترگە جەتەدى.

ماڭعىستاۋ وبلىسىندا دا تۇمان كۇتىلەدى.

پاۆلودار وبلىسىنىڭ وڭتۇستىك, شىعىس  بولىگىندە تۇمان بولجانعان. تۇندە جانە تاڭەرتەڭ جولدار تايعاق بولادى.

جامبىل وبلىسىنىڭ باتىس, وڭتۇستىك, شىعىس, تاۋلى اۋداندارىندا جاڭبىر, نايزاعاي, تاۋلى اۋدانداردا نوسەر جاڭبىر بولجانعان. 

تۇركىستان وبلىسىنىڭ باتىس, وڭتۇستىك, تاۋلى اۋداندارىندا جاڭبىر, نايزاعاي بولجانعان.

قوستاناي وبلىسىندا دا تۇمان تۇسەدى.

سولتۇستىك قازاقستان وبلىسىندا تۇندە جانە تاڭەرتەڭ سولتۇستىك, شىعىس, وڭتۇستىك بولىگىندە جول تايعاق بولادى ءارى تۇمان تۇسەدى,

باتىس قازاقستان وبلىسىندا 24-30 ناۋرىزدا اۋا تەمپەراتۋراسىنىڭ +13…+22°س دەيىن كوتەرىلۋىنەن جانە جاۋىن-شاشىن اسەرىنەن قار قارقىندى ەريدى.