الماتى. 26 ماۋسىم. الاتاۋ اۋدانىنىڭ رايىمبەك كوشەسىنە ورنالاسقان «جىبەك جولى» بازارىنداعى اتىستىڭ ءمان-جايى انىقتالدى. بۇل تۋرالى tengrinews.kz حابارلادى.
تەرگەۋ بارىسىندا شىعىس-قازاقستان وبلىسىنىڭ ەكى ازاماتى الماتىلىق كاسىپكەرگە قارۋلى شابۋىل جاساماق بولعانى ايعاقتالدى. كۇدىكتىلەر مىنگەن اۆتوموبيل دىتتەگەن جەرىنە بەت العان تۇستا ولاردىڭ الدىنان پوليتسيا قىزمەتكەرلەرى شىعىپ, توسقاۋىل قويادى. الايدا, كۇدىكتىلەر ءىزىن جاسىرۋ ماقساتىمەن پوليتسەيلەرگە قارسى وق اتقان. قالالىق ىشكى ىستەر دەپارتامەنتى وسىنداي مالىمەت تاراتتى.
«ارلان» توبى ارالاسقان شۇعىل وپەراتسيا كەزىندە شىعىس قازاقستان وبلىسى اقسۋات اۋدانىنىڭ 45 جاسار تۇرعىنى تۇتقىندالدى. ال ەكىنشى كۇدىكتى پوليتسياعا قارسىلىق كورسەتىپ, اتىس كەزىندە وققا ۇشتى. ءتارتىپ ساقشىلارى قىلمىستى توپتىڭ كولىگىنەن كارابين, رەۆولۆەر, تراۆماتيكالىق پيستولەت تاپتى. قارۋ-جاراق ساراپتاۋ ورتالىعىنا جىبەرىلدى.
تالعات ءسۇيىنباي.
دەرەك, سۋرەت: tengrinews.kz.