شىمكەنت قالاسىنىڭ قاراتاۋ اۋدانىنىڭ اكىمى الماس اباەۆقا قاتىستى تارتىپتىك ءىس قوزعالدى. ونىڭ ماتەريالدارى مەملەكەتتىك قىزمەت ىستەرى اگەنتتىگىنىڭ ادەپ جونىندەگى كوميسسياسىندا قارالاتىن بولدى. تەكسەرىس الەۋمەتتىك جەلىلەردە كەڭ تاراعان بەينەجازبادان كەيىن قولعا الىنعان. كادرلاردا سىرت كەلبەتى اكىمگە ۇقساس ەر ادامنىڭ فۋتبول الاڭىندا وزگە ازاماتقا بىرنەشە رەت سوققى جاساعانى بايقالادى. وسى وقيعا قوعامدا قىزۋ تالقىعا ءتۇستى, دەپ حابارلايدى Egemen.kz.
مەملەكەتتىك قىزمەت ىستەرى اگەنتتىگى اتالعان دەرەك بويىنشا تارتىپتىك ءىس قوزعالعانىن راستادى. ۆەدومستۆو وكىلدەرىنىڭ مالىمەتىنشە, قازىرگى ۋاقىتتا قىزمەتتىك تەكسەرىس جۇرگىزىلىپ جاتىر.
اگەنتتىكتىڭ جەرگىلىكتى مەملەكەتتىك ورگاندار قىزمەتىن باقىلاۋ باسقارماسىنىڭ باسشىسى جاسۇلان تۋلاكوۆ بۇل ماسەلە ادەپ جونىندەگى كوميسسيا وتىرىسىندا قارالاتىنىن ايتتى. ونىڭ سوزىنشە, كوميسسيا شەنەۋنىكتىڭ ارەكەتىنە قۇقىقتىق باعا بەرىپ, تارتىپتىك قۇقىقبۇزۋشىلىقتىڭ بار-جوعىن انىقتايدى.
استانادا پوليتسەي تەلەفونعا جاۋاپ بەرمەگەنى ءۇشىن باستىعىن سوققىعا جىقتى
سونداي-اق قولدانىستاعى ەرەجەلەرگە سايكەس, مەملەكەتتىك قىزمەتكەردىڭ تارتىپتىك جاۋاپكەرشىلىگى, قولدانىلاتىن جازا ءتۇرى جانە وزگە دە ماسەلەلەر ءدال وسى كوميسسيا وتىرىسىندا شەشىلەدى.
سەرىك ساپيەۆكە ورىنباسارى قول كوتەردى
ايتا كەتەيىك, بۇعان دەيىن شىمكەنت اكىمدىگى بەينەجازبا جاريالانعاننان كەيىن قىزمەتتىك تەكسەرىس باستالعانىن حابارلاپ, ونىڭ قورىتىندىسى شىقپاي تۇرىپ اسىعىس پىكىر بىلدىرمەۋگە شاقىرعان ەدى. وقيعا بويىنشا سوڭعى شەشىمدى مەملەكەتتىك قىزمەت ىستەرى اگەنتتىگىنىڭ ادەپ جونىندەگى كوميسسياسى قابىلدايدى.
اقتاۋدا ەر ادامدى سوققىعا جىقتى: قىلمىستىق ءىس قوزعالدى