وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اۋماقتىق رەفەرەندۋم كوميسسيالارى ۇسىنعان حاتتامالارى نەگىزىندە ورتالىق رەفەرەندۋم كوميسسياسى داۋىس بەرۋ ناتيجەلەرىن جاريالادى, دەپ جازادى Egemen.kz.
ورتالىق رەفەرەندۋم كوميسسياسىنىڭ مالىمەتىنشە, رەفەرەندۋمعا قاتىسۋ قۇقىعى بار – 12 482 613 ازاماتتىڭ 9 127 192-ءسى 15 ناۋرىز كۇنى ءوز تاڭداۋىن جاساعان.
جاڭا اتا زاڭ جوباسىن جاقتاپ – 7 954 667 ادام, ياعني 87,15%-ى داۋىس بەرگەن. ال رەفەرەندۋمعا شىعارىلعان ماسەلەدە 898 099 ادام «جوق» جاۋابىن تاڭداعان.
مەملەكەت باسشىسىنا رەسپۋبليكالىق رەفەرەندۋم ناتيجەسىنە وراي قۇتتىقتاۋ جەدەلحاتتارى كەلىپ ءتۇستى
ال 146 558 بيۋللەتەن جارامسىز دەپ تانىلعان.
«داۋىس بەرۋگە رەفەرەندۋمعا قاتىسۋعا قۇقىعى بار ازاماتتاردىڭ جارتىسىنان كوبى نەمەسە 73,12 پايىزى قاتىسقاندىقتان, ء«سىز جوباسى 2026 جىلعى 12 اقپاندا بۇقارالىق اقپارات قۇرالدارىندا جاريالانعان قازاقستان رەسپۋبليكاسىنىڭ جاڭا كونستيتۋتسياسىن قابىلدايسىز با؟» دەگەن سۇراق بويىنشا رەفەرەندۋم ءوتتى دەپ ەسەپتەلسىن. رەسپۋبليكالىق رەفەرەندۋمعا داۋىس بەرۋ ءۇشiن شىعارىلعان جاڭا كونستيتۋتسيا قابىلداندى دەپ ەسەپتەلسiن, ويتكەنi وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ كەمىندە ۇشتەن ەكiسiندە داۋىس بەرۋگە قاتىسقان ازاماتتاردىڭ جارتىسىنان استامى نەمەسە 87,15 پايىزى وڭ شەشiم قابىلدادى», دەلىنگەن ورتالىق رەفەرەندۋم كوميسسياسى تاراتقان حابارلامادا.
ميانما باقىلاۋشىسى: قازاقستانداعى رەفەرەندۋم تاجىريبەسى – باسقا ەلدەرگە ۇلگى