قازاقستان رەسپۋبليكاسىنىڭ جاڭا كونستيتۋتسياسى جوباسى بويىنشا رەفەرەندۋمنىڭ وتۋىنە وراي شەت مەملەكەتتەردىڭ باسشىلارى مەن حالىقارالىق ۇيىمداردىڭ جەتەكشىلەرى پرەزيدەنت قاسىم-جومارت توقاەۆتىڭ اتىنا قۇتتىقتاۋ جەدەلحاتتارىن جولدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
رەسەي پرەزيدەنتى ۆلاديمير پۋتين قازاقستانداعى كونستيتۋتسيالىق وزگەرىستەر ەكى ەل اراسىنداعى وداقتاستىق قاتىناستار مەن جان-جاقتى ستراتەگيالىق سەرىكتەستىكتى ودان ءارى ارتتىرۋعا سەپتىگىن تيگىزەتىنىن اتاپ ءوتتى.
«جالپىحالىقتىق داۋىس بەرۋ ناتيجەسى ءسىزدىڭ مەملەكەتتىك ينستيتۋتتاردى نىعايتۋ جانە ەلدىڭ ورنىقتى الەۋمەتتىك-ەكونوميكالىق ىلگەرىلەۋىن قامتاماسىز ەتۋ باعىتىنداعى باستامالارىڭىز كەڭىنەن قولداۋ تاپقانىن تولىق راستادى», دەپ جازىلعان جەدەلحاتتا.وزبەكستان پرەزيدەنتى شاۆكات ميرزيوەۆ اۋقىمدى ساياسي, الەۋمەتتىك-ەكونوميكالىق جاڭعىرۋ جاڭا قازاقستاننىڭ تۇراقتى دامۋىنا ىقپال ەتىپ, حالىقارالىق ارەناداعى ابىروي-بەدەلىن نىعايتاتىنىنا سەنىم ءبىلدىردى.
«وسى ماڭىزدى ساياسي ناۋقانعا ازاماتتاردىڭ بەلسەندى قاتىسۋىنان, سونداي-اق رەفەرەندۋم ناتيجەسىنەن ءسىز جۇرگىزىپ جاتقان رەفورمالاردى باۋىرلاس ەلدىڭ حالقى جان-جاقتى قولدايتىنىن انىق كورەمىز», دەپ جازىلعان وزبەكستان باسشىسىنىڭ جەدەلحاتىندا.قىرعىزستان پرەزيدەنتى سادىر جاپاروۆ مەملەكەت باسشىسىن رەفەرەندۋمنىڭ تابىستى وتۋىمەن قۇتتىقتاپ, ەكىجاقتى قاتىناستاردىڭ ودان ءارى قارقىندى دامي تۇسەتىنىنە سەنىمدى ەكەنىن جەتكىزگەن.
بۇل ماسەلە بويىنشا ەشقانداي كۇمانىم جوق: پرەزيدەنت ەكزيت-پولل قورىتىندىسىمەن تانىستى
«بۇل تاريحي ۋاقيعا ەلىڭىزدى ودان ءارى وركەندەتىپ, حالىقتىڭ ءال-اۋقاتىن ارتتىرۋ جولىنداعى ماڭىزدى قادام بولاتىنى ءسوزسىز. ءسىزدىڭ جەتەكشىلىگىڭىزبەن ىنتىماق-بىرلىگى جاراسقان قازاقستان كەلەشەككە قول سوزىپ, حالىقارالىق بەدەلىن دايەكتى تۇردە نىعايتىپ كەلەدى», دەپ جازدى سادىر جاپاروۆ.ازەربايجان پرەزيدەنتى يلحام اليەۆ ساياسي جۇيەنى جاڭعىرتۋدى جانە باسقارۋ مودەلىن جەتىلدىرۋدى كوزدەيتىن كونستيتۋتسيانىڭ قابىلدانۋىن قازاقستان تاريحىنداعى جاڭا كەزەڭنىڭ باستاۋى رەتىندە سيپاتتاعان. ونىڭ پىكىرىنشە, بۇل ەلىمىزدىڭ سەرپىندى دامۋىنا جانە حالىقارالىق ارەناداعى ءرولىنىڭ كۇشەيۋىنە وڭ سەپتىگىن تيگىزەدى.
مەملەكەت باسشىسى: 15 ناۋرىز – كونستيتۋتسيا كۇنى بولىپ بەلگىلەنەدى
بەلارۋس پرەزيدەنتى الەكساندر لۋكاشەنكو كونستيتۋتسياداعى قاعيداتتاردىڭ ىسكە اسۋى قازاقستاننىڭ گۇلدەنۋىنە نەگىز قالايتىنىن اتاپ وتكەن.
«رەفەرەندۋم ناتيجەسى ءسىزدىڭ ەلدى جاڭعىرتۋ جانە مەملەكەتتىلىكتى نىعايتۋ باعدارىڭىزعا ازاماتتاردىڭ سەنىمى جوعارى ەكەنىن تاعى دا دالەلدەدى. قوعامنىڭ ادىلەتتى قازاقستاندى قۇرۋ, ونىڭ تۇراقتى دامۋىن قامتاماسىز ەتۋ جولىنداعى اۋىزبىرشىلىگىن اڭعارتتى», دەپ جازىلعان جەدەلحاتتا.قازاقستان پرەزيدەنتىنە جىلى لەبىزىن سەربيا پرەزيدەنتى الەكساندر ۆۋچيچ تە جولدادى.
«ەلىڭىزدىڭ شىنايى ءارى ۋاقىت تەزىنەن وتكەن دوسى رەتىندە ءسىزدىڭ ءورشىل ماقسات پەن ەلەۋلى ناتيجەگە ۇمتىلاتىن ءار قادامىڭىزدى ىقىلاسپەن اتاپ وتەمىن. بۇل – كۇردەلى شەشىمدەر قابىلداۋدى, كۇندەلىكتى جانە ۇزاقمەرزىمدى مىندەتتەردى تاباندى تۇردە ورىنداۋدى قاجەت ەتەتىن ۇلكەن جۇمىس. سونىمەن قاتار تاجىريبەلى ءارى پاراساتتى كوشباسشىلاردىڭ قالاي باتىل شەشىم قابىلدايتىنىن كورسەتەدى», دەپ جازدى سەربيا پرەزيدەنتى.ارمەنيا پرەمەر-ءمينيسترى نيكول پاشينيان جەدەلحاتتا اتاپ وتكەندەي, جالپىحالىقتىق داۋىس بەرۋ قورىتىندىسى قازاقستان ازاماتتارىنىڭ ەل تاۋەلسىزدىگى مەن ەگەمەندىگىن ساقتاۋعا, زاڭ ۇستەمدىك قۇراتىن باقۋاتتى زامانعا ساي قوعام قۇرۋعا جاۋاپكەرشىلىكپەن قارايتىنىن بايقاتادى. سونداي-اق قاسىم-جومارت توقاەۆقا قۇتتىقتاۋ جەدەلحاتتارىن شانحاي ىنتىماقتاستىق ۇيىمىنىڭ باس حاتشىسى نۇرلان ەرمەكباەۆ, تاۋەلسىز مەملەكەتتەر دوستاستىعىنىڭ باس حاتشىسى سەرگەي لەبەدەۆ, تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىراليەۆ, ۇجىمدىق قاۋىپسىزدىك شارتى ۇيىمىنىڭ باس حاتشىسى تاالاتبەك ماسادىكوۆ, ەكونوميكالىق ىنتىماقتاستىق ۇيىمىنىڭ باس حاتشىسى اساد مادجيد حان, جوعارى ەۋرازيالىق ەكونوميكالىق كەڭەس توراعاسى باقىتجان ساعىنتاەۆ جانە تاعى باسقالار جولدادى. مەملەكەت باسشىسىنىڭ اتىنا قۇتتىقتاۋ جەدەلحاتتارى ءالى دە كەلىپ جاتىر.