«قازپوشتا» باسشىسى بەكەجان جاكەەۆ ۇلتتىق كومپانيانىڭ الداعى جوسپارلارى مەن IPO جايلى مالىمدەدى. ونىڭ ايتۋىنشا, اكتسيالاردى العاشقى ورنالاستىرۋ (IPO) 2028 جىلعا جوسپارلان, دەپ حابارلايدى Egemen.kz.
كومپانيا باسشىسى ۇلتتىق وپەراتوردىڭ تابىستىلىعىن ارتتىرۋ قاجەتتىگىن اتاپ ءوتتى.
«ۇكىمەتتىڭ قاۋلىسىمەن «قازپوشتا» 2028 جىلى IPO-عا شىعۋى ءتيىس. وسىعان بايلانىستى ءتيىستى جول كارتاسى ازىرلەندى», دەدى ول.
بەكەجان جاكەەۆتىڭ ايتۋىنشا, جاقىن ارادا شەتەلدىك ينۆەستيتسيالاردى تارتۋ جوبالارى ىسكە اسىرىلماق.
ء«بىز نەگىزىنەن شەتەلدىك ينۆەستيتسيالاردى تارتۋ جوبالارىنا نازار اۋدارعىمىز كەلدى. قازىر YTO كومپانياسىمەن بىرلەسكەن كاسىپورىن قۇردىق – بۇل قىتايدىڭ حالىقارالىق لوگيستيكالىق وپەراتورلارىنىڭ توپ-10 قاتارىنا كىرەتىن كومپانيا. كەلەسى جوسپارىمىز – JD.com ماركەتپلەيسىمەن ىنتىماقتاستىق, ياعني ءبىز بۇل ماركەتپلەيسكە قول جەتكىزۋ جولىن قامتاماسىز ەتەمىز. ناۋرىز ايىندا ماركەتينگتىك ستراتەگيانىڭ تەست نۇسقاسىن ىسكە قوسۋ جوسپارلانعان. YTO سياقتى, JD.com-مەن ىنتىماقتاستىق تا بەلسەندى داميدى», دەپ جالعاستىردى ول.
«قازپوشتا»: تاياۋ شىعىستاعى 7 ەلگە سالەمدەمەلەر جونەلتۋ توقتاتىلدى
كومپانيا باسشىسى سونىمەن قاتار ءىرى ينفراقۇرىلىمدىق جوبالاردىڭ قاتارىندا لوگيستيكالىق حابتار سالىناتىنىن اتاپ ءوتتى:
«YTO كومپانياسى الماتى وبلىسىندا حاب قۇرىلىسىنا كىرىستى. جوبالىق-سمەتالىق قۇجاتتار ازىرلەندى, ناۋرىزدا قۇرىلىس جۇمىستارى باستالادى. سونداي-اق اقتوبەدە 15 مىڭ شارشى مەتر لوگيستيكالىق حاب سالىنۋدا. بۇعان قوسا, قاراعاندى اۋەجايىندا اۆياحاب قۇرۋ ماقساتىندا اۋەجاي باسشىلىعى جانە YTO وكىلدەرىمەن بىرلەسكەن كەزدەسۋ وتكىزدىك. وسىنىڭ ناتيجەسىندە جەرگىلىكتى اكىمدىك اۋەجاي ماڭىنان 4 گا جەر ءبولدى», دەدى ول.
سونىمەن قاتار «قازپوشتا» ەستوندىق Omniva كومپانياسىمەن بىرلەسىپ ەلەكتروندىق كوممەرتسيانى دامىتۋدى قولعا الماق.
«بىرلەسكەن كاسىپورىن قۇرىلدى. «قازپوشتا» ءوز ينفراقۇرىلىمىن جانە نارىققا قول جەتكىزۋدى قامتاماسىز ەتەدى, ال Omniva تەحنولوگيالىق شەشىمدەردى ۇسىنادى», دەدى كومپانيا باسشىسى.
ايتا كەتەيىك, «قازپوشتا» IPO-سى العاش رەت 2019-2020 جىلدارى جوسپارلانعان بولاتىن.
لوگيستيكا, بۇل – جاڭا مۇناي: ەلىمىزدە قويما تاپشىلىعى كۇرت كۇشەيدى