2026 جىلعى 14 ناۋرىزدا الماتى قالاسىندا قازاقستان كينولوگتار وداعى قازاقتىڭ ۇلتتىق يت تۇقىمى – قازاقى تازىعا ارنالعان كينولوگيالىق ءىس-شارالار ماۋسىمىن اشتى. وسى كۇنى مونو تۇقىمدىق كورمە جانە تۇقىمدىق بايقاۋ ءوتتى, دەپ حابارلايدى Egemen.kz.
ءىس-شارا ءۇش بارلىق تۇقىمدى كورمەمەن قاتار وتكىزىلدى, بۇل قازاقى تازىنى كاسىبي كينولوگيالىق قاۋىمداستىققا كەڭىنەن تانىستىرۋعا, سونداي-اق بەلارۋس, رەسەي جانە ازەربايجاننان كەلگەن حالىقارالىق ساراپشىلاردى تۇقىممەن جانە ونى ساراپتاۋ ەرەكشەلىكتەرىمەن تانىستىرۋعا مۇمكىندىك بەردى.
ءىس-شارالارعا 100-دەن استام يت تىركەلدى. بۇل تۇقىمعا دەگەن جوعارى قىزىعۋشىلىقتى, ونىڭ سانىنىڭ ارتىپ كەلە جاتقانىن جانە اسىل تۇقىمدىق جۇمىستىڭ بەلسەندى دامۋىن كورسەتەدى.
مونو تۇقىمدىق كورمە بارىسىندا ساراپشىلار يتتەرگە باعالاۋ جۇرگىزىپ, تۇقىمنىڭ ۇزدىك وكىلدەرىن انىقتادى. ال تۇقىمدىق بايقاۋ يتتەردىڭ ستاندارتقا سايكەستىگىن تەكسەرۋگە, ولاردىڭ اسىل تۇقىمدىق ساپالارىن باعالاۋعا, سونداي-اق بۇرىن ەسەپكە الىنباعان يتتەردى تىركەۋگە مۇمكىندىك بەردى.
«تازى باپتاۋشىلار ءۇشىن بۇل ءوز يتتەرىن كورسەتىپ قانا قويماي, كاسىبي باعا الۋعا, اسىل تۇقىمدىق جۇمىستىڭ ناتيجەلەرىن ستاندارت تالاپتارىمەن سالىستىرۋعا جانە ءوسىرۋدىڭ الداعى باعىتتارىن ايقىنداۋعا مۇمكىندىك بەرەتىن ماڭىزدى تاجىريبەلىك الاڭ. مۇنداي ءىس-شارالار اسىل تۇقىمدىق جۇمىستى جاقسارتۋعا, قازاقى تازىنى دامىتۋعا جانە ناسيحاتتاۋعا, سونداي-اق ونى قازاقستاننىڭ ۇلتتىق برەندى رەتىندە تولىققاندى حالىقارالىق دەڭگەيدە مويىنداتۋعا باعىتتالعان», دەدى قازاقستان كينولوگتار وداعىنىڭ پرەزيدەنتى باۋىرجان سەرىكقالي.
كورمە جەڭىمپازدارى:
ۇزدىك كۇشىك – سۇرىك; ۇزدىك يۋنيور – تابيعات; ۇزدىك ارلان يت – حان; ۇزدىك ۇرعاشى يت – جۇلدىز, سونداي-اق ول كورمەنىڭ ۇزدىك تازىسى دەپ تانىلدى.كينولوگتار تازىنى قويانعا سالىپ, سىناپ كوردى
قازاقى تازىنى ساقتاۋ جانە دامىتۋ جۇمىسى مەملەكەت باسشىسىنىڭ تاپسىرماسى اياسىندا مەملەكەتتىك ورگانداردىڭ قولداۋىمەن جالعاسىپ جاتىر.
ۇزدىك كينولوگتار ۇلتتىق ۇلاننىڭ بىرىنشىلىگىندە انىقتالادى