تارازدا مەكتەپ وقۋشىسىنا جاسالعان شابۋىلدان كەيىن قىلمىستىق ءىس قوزعالدى, دەپ حابارلايدى Egemen.kz.
Egovpress Telegram-ارناسىنىڭ جازۋىنشا, وقيعا №51 مەكتەپتە بولعان. جەتى قىز مەكتەپتىڭ 9-سىنىپ وقۋشىسىنا شابۋىل جاساپ, اۋىر جاراقات سالعان. قاتىگەز شابۋىلدان كەيىن ءجاسوسپىرىم ەكى كۇن جانساقتاۋ بولىمىندە جاتقان.
جامبىل وبلىسىنىڭ پوليتسيا دەپارتامەنتى جانجالعا قاتىسقان بارلىق ادامداردىڭ انىقتالىپ, پوليتسياعا جەتكىزىلگەنىن حابارلادى. وقيعا بويىنشا قىلمىستىق ءىس قوزعالدى.
«مەكتەپ وقۋشىلارىنىڭ اتا-انالارى كامەلەتكە تولماعان بالالاردى تاربيەلەۋ مىندەتتەرىن ورىنداماعانى ءۇشىن جاۋاپكەرشىلىككە تارتىلدى. سونداي-اق جاسوسپىرىمدەردىڭ ارەكەتى كامەلەتكە تولماعاندار ءىسى جونىندەگى كوميسسيا وتىرىسىندا قارالىپ, ناتيجەسىندە ولار پروفيلاكتيكالىق ەسەپكە قويىلدى», دەپ حابارلادى ۆەدومستۆو.
ايتا كەتەيىك, بۇعان دەيىن اتىراۋدا 19 جاستاعى قىزعا شابۋىل جاسادى دەگەن كۇدىكپەن 21 جاستاعى جەرگىلىكتى تۇرعىن ۇستالعانىن حابارلاعان ەدىك.