پرەزيدەنتتىڭ ايتۋىنشا, قازىرگى حالىقارالىق احۋالدى سيپاتتاۋدا «تۋربۋلەنتتىلىك» ۇعىمى ءجيى قولدانىلادى. ادەتتە بۇل ءسوز ۇشاق تۋربۋلەنتتى ايماققا كىرگەن كەزدە جولاۋشىلاردى سابىرعا شاقىراتىن ۇشقىشتاردىڭ تۇسىندىرمەسىندە كەزدەسەتىن. الايدا بۇگىندە ساياساتكەرلەر مەن ساراپشىلار ءدال وسى تەرميندى جاھاندىق جاعدايدى بەينەلەۋ ءۇشىن پايدالانىپ ءجۇر, دەپ جازادى Egemen.kz.
مەملەكەت باسشىسى قازىرگى كەزەڭدە الەمنىڭ تۇراقسىز ءارى باعىت-باعدارى انىق ەمەس جاعدايدا ءومىر ءسۇرىپ جاتقانىن اتاپ ءوتتى. ونىڭ ايتۋىنشا, سوڭعى ون جىل ىشىندە ورىن العان وقيعالار بىرىنەن ءبىرى اسىپ ءتۇسىپ, حالىقارالىق احۋالدى كۇردەلەندىردى. بۇل ۇدەرىستەر الەۋمەتتىك جەلىلەردە قىزۋ تالقىلانىپ, وندا شىنايى اقپارات پەن اڭىز, كونسپيرولوگيالىق بولجامدار مەن جالعان مالىمەتتەر, قايعى مەن قۋانىش قاتار تارالىپ جاتىر. پرەزيدەنت مۇنى جاساندى ينتەللەكت داۋىرىنە اياق باسقان قازىرگى الەمنىڭ شىنايى كەلبەتى دەپ سيپاتتادى.
حالىقتىڭ سەنىمىن اقتاۋدان ارتىق ابىروي جوق: مەملەكەت باسشىسى ءماسليحات دەپۋتاتتارىنا نە دەدى؟
«وتكەن ەكى اپتا الەمدىك قوعامداستىققا دۇربەلەڭنىڭ شىن مانىندە قانشالىقتى قاۋىپتى ەكەنىن ءارى تۇتقيىلدان كەلەتىنىن انىق كورسەتتى. پلانەتامىزدىڭ تىرشىلىگىندە تۇراقسىزدىق بەلەڭ الدى. ءتىپتى, ەكونوميكاسى ىلگەرى, ورنىقتى مەملەكەتتەردىڭ ءوزى ءاپ-ساتتە جاھاندىق قاقتىعىستىڭ, ەگەر ءار نارسەنى ءوز اتىمەن ايتار بولساق, سوعىستىڭ ورتاسىندا قالدى. سوعىس ءورتى ىرگەمىزدەن, ياعني كاسپي ماڭىنداعى كورشىلەس ەلدىڭ اۋماعىنان شىقتى.تاياۋ شىعىستاعى احۋالدىڭ ۋشىعۋى قازىردىڭ وزىندە جاھاندىق قاۋىپسىزدىكتىڭ ىرگەسىن شايقاپ, الەم ەكونوميكاسىنا زاردابىن تيگىزگەنى انىق», دەدى پرەزيدەنت.
مەملەكەت باسشىسى سونىمەن قاتار قازىرگى كۇردەلى جاعدايعا الىپ كەلگەن بىرقاتار فاكتوردى اتادى. ونىڭ ايتۋىنشا, ءىرى دەرجاۆالاردىڭ كوشباسشىلارى اراسىنداعى سەنىم داعدارىسىنىڭ كۇشەيۋى, مەملەكەتتەر مەن اسكەري-ساياسي بلوكتاردىڭ جىكتەلۋى, ىنتىماق پەن بىرلىك قاعيدالارىنىڭ السىرەۋى, حالىقارالىق قۇقىق نورمالارىنىڭ ساقتالماۋى جانە بىرىككەن ۇلتتار ۇيىمىنىڭ بەدەلىنىڭ بۇرىن-سوڭدى بولماعان دەڭگەيدە تومەندەۋى قازىرگى الەمدەگى قاۋىپتى جاعدايدىڭ نەگىزگى سەبەپتەرىنىڭ ءبىرى بولىپ وتىر.
پرەزيدەنتتىڭ سوزىنشە, وسىدان ون جىل بۇرىن ساياساتكەرلەر الەمنىڭ جولايرىقتا تۇرعانىن ايتىپ, بولاشاقتاعى باعىتتىڭ بەلگىسىزدىگىنە الاڭداۋشىلىق بىلدىرگەن بولاتىن. ال بۇگىندە كوپتەگەن ساراپشىلار مەن ساياساتكەرلەر ادامزات بالاسى دۇنيەجۇزىلىك سوعىستىڭ تابالدىرىعىندا تۇرعانىن اشىق ايتا باستادى. مۇنداي جاعداي بارلىق مەملەكەتتەردىڭ مۇددەسىنە قاۋىپ توندىرەدى.
توقاەۆ: ءماسليحاتتاردىڭ وكىلەتتىگىن ودان ءارى كەڭەيتىپ, ناقتىلاي ءتۇسۋ قاجەت
مەملەكەت باسشىسى گەوساياسي, اسكەري, ەكونوميكالىق, تەحنولوگيالىق جانە كليماتتىق سىن-قاتەرلەردىڭ كۇشەيۋى بۇكىل الەمدى الاڭداتىپ وتىرعانىن ايتتى.
«وسىنداي كۇردەلى كەزەڭدە قازاقستان ازاماتتارى سابىر ساقتاپ, ەل ىشىندەگى جانە تىسقارى جەرلەردەگى ارانداتۋلارعا بوي الدىرماۋى كەرەك. ەڭ باستىسى, جاراتقان بەرگەن باتىلدىق, ار-نامىس, اقىل-پاراسات سياقتى قاسيەتتەرىمىزدى تانىتقان ءجون. پرەزيدەنت رەتىندە ساياسي-ديپلوماتيالىق تاسىلدەردىڭ ءبارىن قولدانا وتىرىپ, ەل قاۋىپسىزدىگىن قامتاماسىز ەتۋگە بار كۇشىمدى سالامىن.
الەم تەحنولوگيالىق, ەكونوميكالىق, ساياسي تۇرعىدان تۇبەگەيلى وزگەرگەنىن مويىنداۋىمىز كەرەك. ال ول جاقسى جاققا وزگەردى مە, الدە كەرى كەتتى مە؟ وعان وركەنيەت بولاشاقتا جاۋاپ بەرەدى. بىراق قازاقستان ازاماتتارىنىڭ الەمدىك دامۋ كوشىنەن شەت قالۋعا قاقىسى جوق», دەدى مەملەكەت باسشىسى.
پرەزيدەنتتىڭ ايتۋىنشا, قازاقستان ۇلتتىق مۇددەلەرىن قورعاۋمەن قاتار ستراتەگيالىق ۇستامدىلىق ساياساتىن ۇستانادى. سونداي-اق ەلدىڭ سىرتقى ساياساتى حالىقارالىق ارەنادا بەيبىتشىلىكتى نىعايتۋعا جانە قازاقستان توڭىرەگىندەگى قاۋىپسىزدىكتى قامتاماسىز ەتۋگە باعىتتالعان.
پرەزيدەنت: ءماسليحاتتار تولىق تسيفرلىق مەملەكەت قۇرۋ ماسەلەسىنە بەلسەندى اتسالىسۋى قاجەت