ىشكى ىستەر مينيسترلىگىنىڭ مالىمەتىنە قاراعاندا, اقتوبە وبلىسىنداعى بايعانين اۋدانىنىڭ پوليتسيا قىزمەتكەرلەرى ۋاز اۆتوكولىگىن توقتاتقان. كولىكتەن 14 كيىكتىڭ ۇشاسى مەن اڭشى مىلتىعى تابىلعان, دەپ حابارلايدى Egemen.kz.
«پوليتسيا قىزمەتكەرلەرى رەيدتىك ءىس-شارا كەزىندە براكونەرلىك ارەكەتتىڭ جولىن كەستى. ءتارتىپ ساقشىلارى دالالىق اۋماقتا كۇمان تۋدىرعان ۋاز اۆتوكولىگىن بايقاپ, توقتاتپاق بولعان. از عانا قۋدالاۋدان كەيىن كولىكتى توقتاتتى. كولىكتىڭ جۇك بولىگىنەن موتوتسيكل مەن 14 كيىكتىڭ (اقبوكەننىڭ) ۇشاسى تابىلدى. كەيىن اۆتوكولىكتە وتىرعان اتىراۋ وبلىسىنىڭ ءۇش تۇرعىنىنان 12 كاليبرلى اڭشى مىلتىعى, راتسيا, ءدۇربى مەن پىشاقتار تاركىلەندى», دەپ حابارلادى مينيسترلىكتىڭ ءباسپاسوز قىزمەتى.
اتىراۋ مۇناي وڭدەۋ زاۋىتىنىڭ ءبىر قوندىرعىسىندا جوسپارلانعان جوندەۋ باستالدى
قازىر اتالعان دەرەككە قاتىستى سوتقا دەيىنگى تەرگەۋ باستالدى. قاجەتتى تەرگەۋ ارەكەتى جۇرگىزىلىپ جاتىر.
اتىراۋدا تىكەلەي ەفيردە قىزدى اياۋسىز ۇرعان جىگىت ۇستالدى