نيگەريالىق فۋتبولشى ماريو رابيۋ «اتىراۋ» فۋتبول كلۋبىندا جارتىلاي قورعاۋشى پوزيتسياسىندا وينايدى, دەپ حابارلايدى Egemen.kz.
جەرگىلىكتى فۋتبول كلۋبى ءباسپاسوز قىزمەتىنىڭ مالىمەتىنشە, ماريو رابيۋ بىرنەشە ەلدىڭ كوماندالارىندا ويناعان.
«فۋتبولداعى كاسىبي مانسابىن يتاليانىڭ «مودەنا» كلۋبىندا باستادى. ال 2019 جىلدىڭ 21 قازانىندا «فەرمانا» كلۋبىنا قارسى ويىندا يتاليانىڭ C سەرياسىنداعى چەمپيوناتىندا دەبيۋت جاساپ, العاشقى ويىنىن وتكىزدى. 2023 جىلدىڭ 3 قاڭتارىندا «ۆيتەربەزە» كلۋبىمەن كەلىسىمشارتقا قول قويدى. كەيىن البانيالىق «سكەندەربەۋ» كلۋبىنا اۋىسقان. 2023 جىلعى 26 تامىزدا «ەگناتيا» كومانداسىنا قارسى ماتچتا البانيا چەمپيوناتىندا الاڭعا شىقتى», دەپ حابارلادى كلۋبتىڭ ءباسپاسوز قىزمەتى.
ول 2025 جىلدىڭ 21 اقپانىندا «اقتوبە» كلۋبىنا اۋىسقان. اتالعان كوماندا قۇرامىندا ەلىمىزدىڭ پرەمەر-ليگاسىندا بەس ويىن وتكىزگەن.
ەسكە سالا كەتەيىك, بۇدان بۇرىن «اتىراۋ» فۋتبول كلۋبىنىڭ باس باپكەرى قىزمەتىنەن كەتتى. كەيىن ليتۆانىڭ بىرنەشە دۇركىن چەمپيونى «اتىراۋ» كلۋبىنا باس باپكەر بولدى.