ەلىمىزدىڭ تاۋ-كەن سالاسىنا شەتەلدىك ينۆەستيتسيا تارتۋ باعىتىندا جاڭا قادام جاسالدى. ونەركاسىپ جانە قۇرىلىس ءمينيسترى ەرسايىن ناعاسپاەۆ امەريكالىق Cove Kaz Capital Group LLC كومپانياسىنىڭ باس ديرەكتورى دومينيك حيتونمەن كەزدەسىپ, قاراعاندى وبلىسىنداعى ءىرى كەن ورىندارىن بىرلەسىپ يگەرۋ ماسەلەسىن تالقىلادى, دەپ جازادى Egemen.kz.
كەلىسسوزدەرگە «تاۋ-كەن سامۇرىق «ۇتك» اق باسقارما توراعاسى ناريمان ابسامەتوۆ تە قاتىستى. تاراپتار تاۋ-كەن ونەركاسىبىندەگى ەكىجاقتى ىنتىماقتاستىقتىڭ قازىرگى جاي-كۇيىن جانە الداعى دامۋ مۇمكىندىكتەرىن سارالادى. اسىرەسە قازاقستان مەن اقش اراسىنداعى ەكونوميكالىق سەرىكتەستىكتىڭ ستراتەگيالىق ماڭىزى مەن امەريكالىق كومپانيالاردىڭ ەل ەكونوميكاسىنا قوسىپ وتىرعان ۇلەسى اتاپ ءوتىلدى.
تاۋ-كەن ءىسىنىڭ تاۋەكەلى
كەزدەسۋ بارىسىندا بىرلەسكەن ينۆەستيتسيالىق جوبالاردى ىسكە اسىرۋ ماسەلەسىنە ەرەكشە نازار اۋدارىلدى. مينيستر ەرسايىن ناعاسپاەۆ قازاقستان تاۋ-كەن سالاسىن دامىتۋدا شەتەلدىك سەرىكتەستەرمەن ءتيىمدى ىنتىماقتاستىقتى كەڭەيتۋگە جانە جاڭا باستامالاردى جۇزەگە اسىرۋعا مۇددەلى ەكەنىن جەتكىزدى.
ەسكە سالا كەتەيىك, 2025 جىلدىڭ قاراشاسىندا «تاۋ-كەن سامۇرىق» ۇلتتىق تاۋ-كەن كومپانياسى مەن امەريكالىق Cove Capital قاراعاندى وبلىسىنداعى سولتۇستىك قاتپار جانە جوعارعى قايراقتى كەن ورىندارىن بىرلەسىپ يگەرۋ تۋرالى كەلىسىمگە قول قويعان. بۇل كەن ورىندارى الەمدەگى ەڭ ءىرى قورلاردىڭ قاتارىنا جاتادى.
تاۋ-كەن ءىسىنىڭ دامۋىنا نە كەدەرگى؟
كەلىسىمگە سايكەس ينۆەستور ەكى بايىتۋ فابريكاسى مەن ءبىر مەتاللۋرگيالىق زاۋىت سالۋعا 1,1 ملرد اقش دوللارى كولەمىندە ينۆەستيتسيا قۇيادى. جوبا تولىق ىسكە قوسىلعان كەزدە مىڭعا جۋىق جاڭا جۇمىس ورنى اشىلادى. وندا قازاقستاندىق مامانداردى جۇمىسقا قابىلداۋعا باسىمدىق بەرىلەدى.
قاراعاندىداعى تاۋ-كەن كاسىپورنىنا 4 ملن تەڭگە ايىپپۇل سالىندى
قۇجاتتاعى ماڭىزدى تالاپتاردىڭ ءبىرى – وندىرىلگەن شيكىزات پەن جارتىلاي دايىن ءونىمدى شەتەلگە تىكەلەي شىعارۋعا تىيىم سالۋ. ياعني جوبا تولىق تەرەڭ وڭدەۋ قاعيداتىنا نەگىزدەلىپ, دايىن ءونىمدى ەل ىشىندە وندىرۋگە باعىتتالادى.