قازاقستان 2026 جىلعى ءساۋىر – مامىر ايلارىندا رەسەيدەن 4 جىرتقىش جولبارىس الۋدى جوسپارلاپ وتىر. بۇل تۋرالى ەكولوگيا ءمينيسترى ەرلان نىسانباەۆ ماجىلىستە وتكەن بريفينگتە مالىمدەدى, دەپ حابارلايدى Egemen.kz.
وسىلايشا, جالپى العاندا قازاقستاندا التى جولبارىس بولادى جانە سودان كەيىن تۇران جولبارىسىن قايتا ەنگىزۋ باستالادى.
«جولبارىستار ءۇشىن 2018 جىلى ىلە-بالقاش قورىعى قۇرىلدى. 2024 جىلدىڭ كۇزىندە وسى قورىققا نيدەرلاندتاعى زووباقتان ەكى جولبارىس جەتكىزىلدى», دەدى مينيستر.
ءمينيستردىڭ سوزىنشە, جولبارىستار ارنايى قورا-جايلارعا ورنالاستىرىلعان, قازىر وزدەرىن جاقسى سەزىنەدى.
«جولبارىستار جابايى تابيعات جاعدايىندا جاقسى ءومىر سۇرەدى. ونىڭ ۇرپاعىن كوبەيتۋگە نيەتتىمىز», دەدى ەرلان نىسانباەۆ.
ەلىمىزدە سايعاق ءمۇيىزى اۋكتسيون ارقىلى ساتىلىمعا شىعارىلادى