ءماجىلىس دەپۋتاتى نيكيتا شاتالوۆ پارلامەنت وتىرىسىندا دەپۋتاتتىق ساۋال جولداپ, جاستاردى 15 ناۋرىزدا وتەتىن رەفەرەندۋمعا بەلسەندى قاتىسۋعا شاقىردى, دەپ جازادى Egemen.kz.
دەپۋتاتتىڭ ايتۋىنشا, سوڭعى جىلدارى قازاقستان ايتارلىقتاي وزگەردى. بۇگىندە ەل ازاماتتارى الەم ەلدەرىنە ەركىن ساپارلاپ, جەتەكشى ۋنيۆەرسيتەتتەردە ءبىلىم الىپ, حالىقارالىق جوبالارعا قاتىسىپ ءجۇر. قازىر شامامەن 90 مىڭ قازاقستاندىق شەتەلدە ءبىلىم الادى.
«كەيدە الەمدەگى وزگەرىستەردىڭ جىلدامدىعىنا ىلەسە الماي, ءوز ەلىمىزدە بولعان ۇلكەن وزگەرىستەردى بايقاماي قالامىز. بىراق سىرتتاي قاراساق, قازاقستاننىڭ مۇلدە باسقا ەلگە اينالعانىن كورۋگە بولادى», دەدى نيكيتا شاتالوۆ.
رەفەرەندۋم قارساڭىنداعى قوعامدىق كوڭىل كۇي: جاڭا كونستيتۋتسياعا پىكىر قانداي؟
ول قازاقستاندا ءتۇرلى مادەنيەت پەن ءدىن وكىلدەرىنىڭ بەيبىت ءومىر ءسۇرىپ جاتقانىن اتاپ ءوتتى.
ء«بىز كوپتۇرلى قوعامدا ءومىر ءسۇرۋدى ۇيرەندىك. ناۋرىزدى دا, رامازاندى دا, روجدەستۆو مەن پاسحانى دا بىرگە اتاپ وتەمىز. بۇل ءبىزدىڭ ورتاق بولمىسىمىز», دەدى دەپۋتات.
سونىمەن بىرگە ول قازىرگى الەمدە تۇراقسىزدىق كۇشەيىپ وتىرعانىن ايتتى. وسىنداي جاعدايدا مەملەكەتتىڭ جاۋاپكەرشىلىگى ەرەكشە ماڭىزدى.
«جاقىندا مەملەكەت قاۋىپتى ايماقتا قالعان ازاماتتارىن قىسقا ۋاقىتتا ەۆاكۋاتسيالاپ, 10 مىڭعا جۋىق قازاقستاندىقتى ەلگە قايتاردى. بۇل قازاقستاندىق پاسپورتتىڭ ارتىندا ناقتى قورعاۋ تۇرعانىن كورسەتەدى», دەدى ول.
رەفەرەندۋمعا دايىندىق: مۇگەدەكتىگى بار ادامدارعا قانداي جاعداي جاسالادى؟
دەپۋتاتتىڭ پىكىرىنشە, جاڭا كونستيتۋتسيا ەل دامۋىنىڭ نەگىزگى باعىتىن ايقىندايدى.
«كونستيتۋتسيا – جاي عانا زاڭ ەمەس. ول قوعام مەن مەملەكەتتىڭ قالاي داميتىنىن انىقتايتىن نەگىز», دەدى نيكيتا شاتالوۆ.
رەفەرەندۋم-2026: سايلاۋ ۋچاسكەسىن eGov Mobile ارقىلى تەكسەرۋگە بولادى
ءسوز سوڭىندا دەپۋتات جاستاردى رەفەرەندۋمعا قاتىسۋعا شاقىردى.
«جاستاردى 15 ناۋرىزدا داۋىس بەرۋگە كەلىپ, ءوز تاڭداۋىن جاساۋعا شاقىرامىن. مەملەكەتتىڭ بولاشاعى ءار ازاماتتىڭ شەشىمىنەن باستالادى», دەدى ول.