پرەزيدەنت قاسىم-جومارت توقاەۆ سالتاناتتى ءىس-شاراعا قاتىسۋشىلاردى كوكتەمنىڭ شىرايلى مەرەكەسى – حالىقارالىق ايەلدەر كۇنىمەن قۇتتىقتادى, دەپ جازادى Egemen.kz.
«بۇل مەيرام – مەيىرىم مەن جىلۋلىقتىڭ, دانالىق پەن سۇلۋلىقتىڭ نىشانى. ايەل – تىرشىلىكتىڭ تىرەگى, بەرەكەنىڭ باستاۋى. بۇل – اقيقات. «بەسىكتى دە, الەمدى دە تەربەتكەن» ايەلدىڭ جۇرەگى – ىزگىلىكتىڭ مەكەنى. سوندىقتان ايەلدىڭ قادىرى – ەلدىڭ قادىرى دەپ ايتساق ارتىق بولمايدى. بۇگىن مەن اقوردا تورىندە سىزدەرگە جانە بارشا قازاقستان ايەلدەرىنە زور ريزاشىلىعىمدى جانە العىسىمدى ايتامىن. حالقىمىز قاي زاماندا دا اناسىن ارداقتاعان, قارىنداسىنا قورعان بولعان, قىزدارىن سىيلاپ, تورىنەن ورىن بەرگەن», دەدى مەملەكەت باسشىسى.
پرەزيدەنت مەرەكەلىك جيىندا قازاقستاننىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسىپ, ءوز كاسىبىندە جوعارى تابىسقا جەتكەن ايەلدەردى مەملەكەتتىك ناگرادامەن ماراپاتتادى.
قاسىم-جومارت توقاەۆتىڭ باسقوسۋدا سويلەگەن ءسوزىنىڭ تولىق نۇسقاسىمەن مىنا سىلتەمە ارقىلى تانىسا الاسىز.