5 ناۋرىز كۇنى سىرتقى ىستەر مينيسترلىگى تاياۋ شىعىستاعى قاقتىعىس ايماعىنان قازاقستاندىقتاردى ەۆاكۋاتسيالاۋ بويىنشا سوڭعى مالىمەتتەردى جاريالادى, دەپ حابارلايدى Egemen.kz.
«بۇگىنگى كۇنگى جاعداي بويىنشا تاياۋ شىعىس ەلدەرى اۋماعىنان 2 463 قازاقستان رەسپۋبليكاسىنىڭ ازاماتى ەۆاكۋاتسيالاندى, دەپ حابارلادى مينيسترلىكتىڭ ءباسپاسوز قىزمەتى.
بۇعان دەيىن 3 ناۋرىزدان باستاپ تاياۋ شىعىس ەلدەرىنەن ەلگە 2 111 قازاقستاندىق ورالعانى حابارلانعان ەدى.
ەسكە سالايىق, اتىراۋ قالاسىنا مەدينا قالاسىنان (ساۋد ارابياسى) قازاقستاندىقتاردى الىپ كەلگەن چارتەرلىك رەيس قوندى. سونداي-اق ازاماتتار ارنايى رەيستەر ارقىلى دجيددا جانە دۋباي قالالارىنان دا ەلگە قايتارىلىپ جاتىر.
بۇعان قوسا, كەشە رەپاترياتسيالىق رەيسپەن ماسكات قالاسىنان الماتى قالاسىنا 314 ادام جەتكىزىلدى. تاعى 180 قازاقستاندىق تاياۋ شىعىستان ەلگە ورالدى. سونىمەن قاتار 167 قازاقستاندىق شاردجا قالاسىنان ەۆاكۋاتسيالىق رەيسپەن الماتىعا ۇشىپ كەلدى.
دۋبايدان ومان ارقىلى 467 وتانداسىمىز ەلگە جەتكىزىلەدى