ەرلى-زايىپتى ازىق-ت ۇلىك الۋعا دۇكەنگە شىققان. جولدا ولاردىڭ اراسىندا جانجال تۋىنداپ, ەر ادام ايەلىنە پىشاق جاراقاتىن سالعان, دەپ حابارلايدى Egemen.kz.
اقتوبە وبلىسىنىڭ مامانداندىرىلعان اۋدانارالىق قىلمىستىق سوتىندا بۇرىن حابار-وشارسىز كەتكەن, كەيىننەن مايىتتەرى تابىلعان ەرلى-زايىپتىلارعا قاتىستى ءىس قارالدى. اتالعان ءىس قىلمىستىق كودەكستىڭ 99-بابى 1-بولىگى بويىنشا قوزعالىپ, سوتقا جولدانعان. ايىپتالۋشى رەتىندە مارقۇم امانجول الماعانبەتوۆ تانىلعان.
ءىس ماتەريالدارىنا سايكەس, 2025 جىلعى 20 قاراشادا ا. الماعانبەتوۆ جۇبايىنا ازىق-ت ۇلىك ساتىپ الاتىنىن ايتىپ, ونى كولىككە وتىرعىزعان. جولدا ولاردىڭ اراسىندا ۇرىس تۋىنداپ, ەر ادام كولىكتى توقتاتقان. سودان كەيىن ءاسۇي پىشاعىن الىپ, ارتقى ورىندىققا اۋىسقان. ول ايەلىن ورىندىققا جاتقىزىپ, ارقاسىنان اياعىمەن باسىپ تۇرىپ, مويىن تۇسىنا بىرنەشە رەت پىشاق سۇققان.
كەيىن ول مال بازارىنا بارىپ, ۇزىندىعى 10 مەتر ارقان ساتىپ العان. ءىس ماتەريالدارىنا سايكەس, جاقىن ماڭداعى وندىرىستىك تسەحقا بارىپ, سول جەردەن اسىلعان كۇيىندە تابىلعان.
اتىراۋداعى ەرلى-زايىپتىنىڭ ءولىمى: كۇدىكتىنى ۇستاۋ ساتىنەن فوتو-ۆيدەو جاريالاندى
ايىپتالۋشىنىڭ قايتىس بولۋىنا بايلانىستى قىلمىستىق ءىس قىلمىستىق-پروتسەستىك كودەكسىنىڭ 35-بابى 1-بولىگى 11-تارماعى نەگىزىندە توقتاتىلدى.
سوت ۇكىمى زاڭدى كۇشىنە ەنگەن جوق.
اتىراۋداعى ەرلى-زايىپتىنىڭ ءولىمى: كۇدىكتى يندونەزيادا ۇستالدى