الماتىدا مادەنيەت جانە اقپارات مينيسترلىگىنىڭ قولداۋىمەن, جامبىل اتىنداعى قازاق مەملەكەتتىك اكادەميالىق فيلارمونياسى مەن الماتى وبلىسى اكىمدىگىنىڭ بىرلەسە ۇيىمداستىرۋىمەن جامبىل جاباەۆتىڭ 180 جىلدىق مەرەيتويىنا ارنالعان «اتا تولعاۋى» اتتى سالتاناتتى كونتسەرت ءوتتى, دەپ حابارلايدى Egemen.kz.
قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆ جامبىل جاباەۆتىڭ 180 جىلدىعىنا وراي ۇيىمداستىرىلعان سالتاناتتى كونتسەرتكە بايلانىستى قازاقتىڭ جامبىل اتىنداعى مەملەكەتتىك فيلارمونياسى ۇجىمىنا جانە كەش قاتىسۋشىلارىنا قۇتتىقتاۋ حات جولدادى.
كونتسەرتتە ن. تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى, ب. بايقاداموۆ اتىنداعى مەملەكەتتىك حور كاپەللاسى, فيلارمونيا جەكە ورىنداۋشىلارى, الماتى وبلىسىنىڭ ونەرپازدارى قاتىستى.
ءىس-شاراعا قر پرەزيدەنتىنىڭ كەڭەسشىسى مالىك وتارباەۆ, تۇركسوي تۇركى مادەنيەتى مەن ونەرى حالىقارالىق ۇيىمىنىڭ باس حاتشىسى سۇلتان راەۆ, قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆ, الماتى وبلىسى مەن الماتى قالاسى اكىمدىگى, زيالى قاۋىم وكىلدەرى قاتىستى.
ەنريكە يگلەسياس قازاقستاندا كونتسەرت بەرەدى
كونتسەرتتىك باعدارلاما اياسىندا «وتىرار سازى» وركەسترى مەن الماتى وبلىسىنىڭ ونەرپازدارى ءبىر ساحنادا ونەر كورسەتىپ, م. ماڭعىتاەۆتىڭ, ە. ۇسەنوۆتىڭ جانە ل. ءحاميديدىڭ شىعارمالارىن ورىندادى. سونىمەن قاتار بيىل تۋعانىنا 165 جىل تولىپ وتىرعان كۇي اناسى دينا نۇرپەيىسوۆانىڭ مۇراسى دا ۇلىقتالىپ, بايان ساتقىزىنىڭ ورىنداۋىندا «ناۋىسقى» كۇيى تارتىلدى.
كەشتە قازاقستاننىڭ حالىق ءارتىسى رامازان ستامعازيەۆ جامبىلدىڭ «جيىرما بەس» ءانىن ناقىشىنا كەلتىرە ورىنداپ, كورەرمەننىڭ ىستىق ىقىلاسىنا بولەندى. كەشكە قىرعىز رەسپۋبليكاسىنىڭ حالىق ءارتىسى باقىتبەك تىلەگەنوۆ باستاعان ونەرپازدار ارنايى قاتىسىپ, قازاق پەن قىرعىزدىڭ تامىرلاس تاريحىن اسەم اۋەنمەن ورنەكتەدى.
كەڭەس دۇيسەكەەۆتىڭ 80 جىلدىعىنا ارنالعان مەرەكەلىك كونتسەرت وتەدى
فيلارمونيا فويەسىندە جامبىل مۋزەي-ۇيىمەن بىرلەسكەن كورمە اشىلىپ, كەلۋشىلەر جىر الىبىنىڭ كوزىن كورگەن قۇندى ەكسپوناتتاردى تاماشالادى.