مادريدتىك «رەال» كلۋبىنىڭ باسشىلىعى يسپانيا چەمپيوناتىنىڭ 25-تۋرى اياسىندا «وساسۋنا» كومانداسىنان 1:2 ەسەبىمەن جەڭىلگەننەن كەيىن باس باپكەر الۆارو اربەلوانىڭ بولاشاعىنا قاتىستى ۇستانىمىن ايقىندادى, دەپ حابارلايدى Egemen.kz.
fichajes مالىمەتىنشە, قازىر اربەلوا ءۇشىن نەگىزگى مىندەت – كوماندانىڭ سەنىمىن قايتا قالپىنا كەلتىرۋ. باپكەر بىرتىندەپ كوماندا كوشباسشىلارى اراسىنداعى بەدەلىنەن ايىرىلىپ بارادى, ال ناقتى ويىن ءستيلىنىڭ بولماۋى ۇجىم ىشىندە تۇسىنبەۋشىلىك تۋعىزعان.
كلۋب پرەزيدەنتى فلورەنتينو پەرەس سىرتتاي سابىر ساقتاعانىمەن, شۇعىل وزگەرىستەردى تالاپ ەتىپ وتىر. دەگەنمەن باسشىلىق اقپان ايىندا ءۇشىنشى رەت باس باپكەردى اۋىستىرۋعا مۇددەلى ەمەس. بۇل اربەلواعا جاعدايدى تۇزەتۋگە مۇمكىندىك بەرىلگەنىن كورسەتەدى, الايدا بۇل سەنىم شەكتەۋلى مەرزىمگە عانا بەرىلگەن.
يسپانيا چەمپيوناتىندا مادريدتىك كلۋبتىڭ ماۋسىم بارىسىن وزگەرتىپ, كوشباسشىلاردان قالىپ قويعان ۇپاي ايىرماسىن قىسقارتۋعا ءالى دە مۇمكىندىگى بار. دەرەككوزدەر قازىرگى تاڭدا كيىم اۋىستىراتىن بولمەدە سەنىمدىلىك, قاتاڭ كوشباسشىلىق جانە ناقتى باسقارۋ جۇيەسى جەتىسپەيتىنىن اتاپ وتەدى.
چەمپيوندار ليگاسى: «رەال مادريد» پورتۋگاليالىق «بەنفيكادان» باسىم ءتۇستى
ەگەر كوماندا داعدارىسقا جەدەل جاۋاپ بەرمەسە, اربەلوانىڭ قىزمەتى ەلەۋلى قاۋىپكە ۇشىراۋى مۇمكىن.
«قايرات» – «رەال مادريد» ويىنىن تاماشالاۋعا 5 مىڭ شەتەلدىك تۋريست كەلدى