سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ تاپسىرماسىنا سايكەس «قازسۋشار» فيليالدارى مەن وندىرىستىك بولىمشەلەرىندە, سونداي-اق بارلىق باسسەيندىك سۋ ينسپەكتسيالاردا جاڭا كونستيتۋتسيا جوباسىن تالقىلاۋعا ارنالعان ءىس-شارالار وتكىزىلىپ جاتىر, دەپ جازادى Egemen.kz.
كەڭەسكە قاتىسۋشىلار ەلىمىزدىڭ باستى زاڭ جوباسىنداعى نەگىزگى جاڭاشىلدىقتاردى قاراستىرىپ, سۋ شارۋاشىلىعىنا جانە سالا قىزمەتكەرلەرىنىڭ ەڭبەك جاعدايىنا قاتىستى نورمالاردى تالقىلاپ جاتىر. كونستيتۋتسيالىق وزگەرىستەردىڭ قۇقىقتىق ماڭىزى مەن قۇجاتتا كوزدەلگەن قاعيداتتاردى ىسكە اسىرۋ ماسەلەلەرى تۇسىندىرىلگەن. اشىق پىكىر الماسۋ جۇرگىزىلىپ, مامانداردىڭ بارلىق سۇراعىنا ناقتى جاۋاپتار ۇسىنىلعان.
ماڭعىستاۋدا «قازاقستان تەمىر جولى» ۇجىمى رەفەرەندۋمعا قاتىسۋدى قولدادى
«ينجەنەر-گيدروتەحنيك رەتىندە جاڭا كونستيتۋتسيا جوباسىندا ءبىزدىڭ سالاعا قاتىستى كوپتەگەن نورمانى كورىپ وتىرمىن. مىسالى, سۋ قاۋىپسىزدىگى باسىمدىق رەتىندە بەكىتىلگەن, يننوۆاتسيالارعا, عىلىم مەن تسيفرلاندىرۋعا باسا ءمان بەرىلگەن. ءبىز, جاس ماماندار, بۇل وزگەرىستەرگە بەلسەندى قاتىسۋعا دايىنبىز», دەدى «قازسۋشار» رمك شىعىس قازاقستان فيليالىنىڭ ينجەنەر-گيدروتەحنيگى ديدار احمەتجانوۆ.
سالا ماماندارى جاڭا كونستيتۋتسيا جوباسىندا ەكولوگيالىق اسپەكتىلەرگە دە نازار اۋدارىلعانىن اتاپ ءوتتى.
«رودينا» جشس ۇجىمى رەسپۋبليكالىق رەفەرەندۋم وتكىزۋدى قولدادى
«جاڭا كونستيتۋتسيا جوباسىندا تۇراقتى دامۋ تۇرعىسىنان قاراستىرىلعان ەكولوگيالىق اسپەكتىلەر قامتىلعان. بۇل جەردە «تازا قازاقستان» تۇجىرىمداماسىنىڭ لوگيكالىق جالعاسى ايقىن كورىنەدى. ءاربىر وتانداسىمىز ءوزىنىڭ ازاماتتىق ۇستانىمىن ءبىلدىرىپ, اتا زاڭ جوباسى بويىنشا پىكىرىن ايتۋ ءۇشىن رەفەرەندۋمعا قاتىسۋى ءتيىس دەپ ەسەپتەيمىن», دەدى «قازسۋشار» رمك ق.ساتپاەۆ اتىنداعى كانال فيليالىنىڭ جەتەكشى ينجەنەر-گيدروتەحنيگى سۆەتلانا جاركوۆا.
ERG قىزمەتكەرلەرى جاڭا كونستيتۋتسيا بويىنشا رەفەرەندۋم وتكىزۋدى قولدادى