جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ عالىمدارى الماتىدا وتكەن كورمەدە مال ازىعىن دايىنداۋ بويىنشا ەرەكشە عىلىمي جوبانى نازارعا ۇسىندى, دەپ حابارلايدى Egemen.kz.
عىلىم جانە جوعارى ءبىلىم مينيسترلىگىنىڭ «جوعارى ءبىلىم جانە عىلىم: تسيفرلاندىرۋ جانە جاساندى ينتەللەكت جىلى» اتتى كەڭەيتىلگەن القا وتىرىسى اياسىندا ۇيىمداستىرىلعان كورمەدە 40-تان استام عىلىمي جوبا تانىستىرىلعان. ورالدىق عالىمدار مۇندا «قازاقستاننىڭ مال ازىقتىق القاپتارىندا تۇراقتى باسقارۋ كونتەكستىندە جەمشوپ دايىنداۋ تەحنولوگيالارى مەن تاسىلدەرىن جاساقتاۋ» اتتى عىلىمي-تەحنيكالىق باعدارلاماسىن ورتاعا سالدى. جوبانىڭ عىلىمي جەتەكشىسى – اۋىل شارۋاشىلىعى عىلىمدارىنىڭ دوكتورى, پروفەسسور, ۇعا اكادەميگى بەيبىت ناسيەۆ.
«بۇل عىلىمي جوبا ەلىمىزدەگى مال ازىعىن دايىندايتىن القاپتاردا جەمشوپ دايىنداۋ تەحنولوگياسى مەن تاسىلدەرىن جاساقتاۋعا باعىتتالعان. باستى ماقسات – قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋ جانە اۋىل شارۋاشىلىعىن دامىتۋ بويىنشا ماڭىزدى ستراتەگيالىق قۇجاتتاردا قويىلعان باسىم مىندەتتەردى شەشۋ», دەيدى عالىم.
عالىمدار ديابەت جانە جۇرەك اۋرۋلارىنىڭ الدىن الاتىن ءونىم ازىرلەپ جاتىر
قازاقستان فەرمەرلەرى ءۇشىن ماڭىزدى بۇل عىلىمي جوبانى عالىمدار 2023-2025 جىلدارى زەرتتەپ, سونىڭ ناتيجەسىندە بۇعان دەيىن دە ءتۇرلى ءىس-شارا ۇيىمداستىرعان. ناتيجەسىندە حالىقارالىق باسىلىمدارعا بىرنەشە ماقالا جاريالانىپ, حالىقارالىق كونفەرەنتسيالاردا دا زەرتتەۋلەر تالقىعا سالىنعان بولاتىن. وسى زەرتتەۋلەر اياسىندا قازاقستان رەسپۋبليكاسىنىڭ پايدالى مودەلىنىڭ سەگىز پاتەنتى الىنعان. عىلىمي-زەرتتەۋ جۇمىستارىنا ەلىمىزدەگى بىرقاتار جوعارى وقۋ ورىندارى مەن عىلىمي ورتالىقتار اتسالىسىپ, جالپى 6 PhD دوكتورانت, 17 ماگيسترانت جانە 21 ستۋدەنت قاتىسقان.
وتاندىق سۋ ۇنەمدەۋ تەحنولوگياسى: عالىمدار ازىرلەگەن قۇرىلعىلار نارىققا قاشان شىعادى؟