جاقىن ارادا قازاقستاندا وندىرىلگەن اۆتوكولىكتەردىڭ باعاسى ارزانداۋى مۇمكىن. بۇل تۋرالى ونەركاسىپ جانە قۇرىلىس ءمينيسترى ەرسايىن ناعاسپاەۆ مالىمدەدى, دەپ حابارلايدى Egemen.kz.
«ستاتيستيكاعا سايكەس, 2025 جىلدىڭ قاڭتار ايىندا اۆتوكولىكتەر باعاسىنىڭ ءوسىمى 105 پايىزدى قۇرادى. ال قازاقستاندىق وندىرىستەگى اۆتوكولىكتەردىڭ باعاسى 101 پايىزعا ءوستى», دەدى مينيستر ۇكىمەت وتىرىسىندا.
سونىمەن قاتار, ەرسايىن ناعاسپاەۆ وتاندىق اۆتوكولىكتەردىڭ باعاسى تومەندەيتىنىن ايتتى.
«وتاندىق زاۋىتتار جىل سايىن كولىك ءتۇرىن كەڭەيتەتىن بولادى. جاڭا ماركالار نارىققا شىققان سايىن, باعالار ءسوزسىز تومەندەيدى. مۇنى ناقتى ايتا الامىن. وزىمىزدە اۆتوكولىك ءوندىرىسىنىڭ دامۋى قىتايلىق كولىكتەر باعاسىنىڭ دا تومەندەۋىنە ىقپال ەتەدى», دەپ قوستى مينيستر.
ايتا كەتەيىك, 2025 جىل قازاقستاننىڭ اۆتوكولىك جاساۋ سالاسى ءۇشىن رەكوردتىق جىل بولدى. ەلدە جاڭا كولىكتەردى ءوندىرۋ كولەمى دە, ساتۋ كورسەتكىشى دە ارتتى.