ەلىمىزدە ونلاين-كۋرستار مەن ءبىلىم بەرۋ مازمۇنىن ازىرلەيتىن اۆتورلارعا قاتىستى جاڭا تالاپتار ەنگىزۋ جوسپارلانىپ وتىر. بۇل تۋرالى پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا مالىمدەدى, دەپ جازادى Egemen.kz.
ۇكىمەت باسشىسىنىڭ ايتۋىنشا, اقپاراتتىق كەڭىستىكتەگى كيبەرقاۋىپسىزدىكتى كۇشەيتۋ ماقساتىندا ونلاين-پلاتفورمالار مەن بۇقارالىق اقپارات قۇرالدارىنا قاتىستى زاڭ جوباسى ازىرلەنگەن. سونىمەن بىرگە اكىمشىلىك قۇقىق بۇزۋشىلىق تۋرالى كودەكسكە دە ءتيىستى تۇزەتۋلەر ۇسىنىلعان.
استانادا زاڭسىز لوتەرەيا ۇيىمداستىرعان بلوگەرلەر ۇيقاماققا الىندى
جاڭا باستامالار ونلاين-ءبىلىم بەرۋ سالاسىنداعى كونتەنتتىڭ ساپاسىن ارتتىرۋدى, سونداي-اق قوعامعا ۇسىنىلاتىن وقۋ ونىمدەرىنىڭ جاۋاپكەرشىلىك اياسىن كەڭەيتۋدى كوزدەيدى. اتالعان زاڭ جوباسى قابىلدانعان جاعدايدا, ينتەرنەت ارقىلى ءبىلىم تاراتاتىن اۆتورلارعا قويىلاتىن تالاپتار كۇشەيەدى.
دەپۋتات: وزگەلەردى كەمسىتىپ سويلەيتىن بلوگەرلەرگە قىلمىستىق جازا قولدانۋ كەرەك
ايتا كەتەيىك, وزگە ەلدەردە بۇل تاجىريبە بار. مىسالى قىتايدا مەديتسينا, زاڭ, قارجى نەمەسە ءبىلىم تاقىرىبىندا ۆيدەو نە جازبا جاريالاۋ ءۇشىن مىندەتتى تۇردە ديپلوم نەمەسە ارنايى سەرتيفيكات كەرەك.