يتاليادا ءوتىپ جاتقان 2026 جىلعى وليمپيادا ويىندارى جالعاسىپ جاتىر. بۇگىن تورتجىلدىقتىڭ باستى باسەكەسىندە جەرلەستەرىمىز سپورتتىڭ 4 ءتۇرى بويىنشا جۇلدەگە تالاسادى, دەپ جازادى Egemen.kz.
بۇگىن جۇلدەگە تالاساتىن ەل سپورتشىلارى:
ايەلدەر اراسىنداعى تاۋ شىڭعىسى سىنىنىڭ سۋپەرگيگانت ءتۇرى بويىنشا الەكساندرا سكوروحودوۆا باسەكەگە تۇسەدى. بۇل سايىس قازاقستان ۋاقىتىمەن 15:30-دا باستالادى.
ەرلەر اراسىندا فريستايل-موگۋلدىڭ فينالدىق سايىسىندا پاۆەل كولماكوۆ جۇلدەگە تالاسادى. اتالعان جارىس 16:15-تە تىكەلەي ەفيردە ۇسىنىلادى.
قىسقى وليمپيادا-2026: جارىس كەستەسى جاريالاندى
شاڭعى جارىسىنداعى جەكەلەي سايىستا ەل قۇراماسى ونەر كورسەتەدى. قۇراما ساپىندا نادەجدا ستەپاشكينا, كسەنيا شالىگينا, اننا مەلنيك, داريا رياجكو بار. شاڭعى شەبەرلەرى جارىس جولىنا 17:00-دە شىعادى.
5000 مەتر قاشىقتىقتا كونكيمەن جۇگىرۋدەن نادەجدا موروزوۆا باق سىنايدى. بۇل باسەكە 20:30-دا باستالادى.