وليمپيادا چەمپيونى بولۋ – ءار سپورتشىنىڭ ارمانى. كەيدە سول ارمانعا مەكتەپ جاسىنداعى جاسوسپىرىمدەر دە قول جەتكىزەدى. 2024 جىلعى پاريج وليمپياداسىندا اۋستراليالىق سكەيتبوردشى اريسا تريۋ نەبارى 14 جاسىندا ايەلدەر اراسىنداعى «پارك-سكەيتبوردينگ» سايىسىندا التىن مەدال جەڭىپ الدى.
بۇل جارىس ارنايى جاسالعان الاڭدا وتەدى. ياعني ونىڭ ىشىندە يىلگەن قابىرعالار, شۇڭقىرلى بولىكتەر, ءتۇرلى توبەشىكتەر بار. سپورتشى سول جەرلەرگە ەكپىندەپ كەلىپ, بيىككە كوتەرىلەدى دە, ءتۇرلى قيمىل جاساپ قايتا قونادى. اۋەلدە كوبى اريسا ءتريۋدى «بالا عوي» دەپ مەنسىنە قويماپ ەدى. بىراق «ەلەمەگەن شىبىق كوز شىعارادى» ەمەس پە؟ فينالدا ءجاسوسپىرىم قىز جارق ەتىپ شىعىپ, جاسىنداي جارقىرادى. وسىلايشا, 14 جاستاعى وقۋشىنىڭ ءوزى مىقتىلار تىزىمىندە كوش باستادى.