سپورتقا سەرپىن بەرەتىن باعدارلاما

اتالعان باعدارلاما ەلىمىزدىڭ سپورت سالا­سىندا ۇزاق جىل­دار بويى جيناقتالعان قۇرى­لىمدىق ماسەلەنى – حا­لىق­­ارالىق, وليمپيادالىق جانە كوم­مەرتسيالىق دەڭگەيدە جۇمىس ىستەي الاتىن كاسىبي باس­قارۋشى كادرلاردىڭ تاپ­شىلىعىن شەشۋگە باعىت­تال­عان. ستراتەگيالىق جوسپار­لاۋ, قارجىلىق باسقارۋ, تسيفر­لىق ترانسفورماتسيا, حالىق­ارالىق قاتىناستار, دەمەۋ­شىلىك جۇيەلەردى دامىتۋ جانە ەتيكالىق كوشباسشىلىق – جۇ­يەلى ءبىلىم بەرۋ ارقىلى قالىپ­تاساتىن داعدىلار. وسى تۇر­عىدان العاندا, «EMBA in Sport Management» باعدار­لاماسىنىڭ ەلىمىز ءۇشىن ما­ڭىزى بىرنەشە ستراتەگيالىق فاكتورلارمەن ايقىندالا­دى. اتالعان باعدارلامانىڭ «Executive MBA» فورماتى – جوبانىڭ باستى ارتىقشى­لىعى. ول سپورت فەدەراتسيالارى­­نىڭ باسشىلارىنا, كلۋب مەنەدجەرلەرى­نە, سايا­ساتكەرلەر­گە جانە كاسىبي سپورتتان باس­قارۋ سالاسىنا وتكەن بۇرىن­عى سپورت­شى­لارعا ارنالعان. ناتي­جە­سىن­دە, الىنعان ءبىلىم قاعاز جۇ­زىندە قالىپ قويماي, ناقتى ينستيتۋتسيونالدىق وزگە­رىس­تەرگە ۇلاسادى.

«وقۋ باعدارلاماسى ەكى وقۋ ورنى تاراپىنان بىر­لەسىپ ازىرلەنگەن: كۋرستىڭ 50 پايىزى قازاق ۇلتتىق سپورت ۋنيۆەرسيتەتىندە, ال 50 پايىزى فرانتسياداعى Éklore-ED School of Management بازاسىندا ونلاين جانە وفلاين فورماتتا وقىتىلادى. باعدارلاما اياسىندا تۇلەكتەر فرانتسيادا 10 كۇندىك تاعىلىمدامادان وتەدى. بۇل تاجىريبە كومپا­نيالارعا بارۋ, شەبەرلىك ساباق­تارى جانە پاريج قالا­سىندا وتەتىن سالتاناتتى ديپ­لوم تابىستاۋ ءراسىمىن قام­تيدى», دەيدى فرانتسياداعى Éklore ۋنيۆەرسيتەتىنىڭ حالىق­ارالىق سەرىكتەس وكىلى ۋليسس ۋۆريو. ونىڭ ايتۋىنشا, تۇلەك­تەر مەملەكەتتىك ءبىلىم بەرۋ با­سىمدىقتارىنا سايكەس ۇلت­تىق ديپلوم جانە Éklore-ED School of Management تاراپىنان بەرىلەتىن حالىقارالىق دەڭگەيدە تانىلعان ديپلوم الادى. بۇل جوبا وتاندىق سپورت مەنەدجەرلەرىنىڭ حالىق­ارالىق باسقارۋ ستاندارتتارىنا ساي دايارلانۋىن قامتاماسىز ەتىپ قانا قويماي, ەلدىڭ سپورت جۇيەسىنە دەگەن سىرتقى سەنىمدى دە ارتتىرادى.