استانا. 25 ماۋسىم. كەشە فۋتبولدان قازاقستان پرەمەر-ليگاسىنىڭ 17-تۋر ويىندارى وينالدى. ناتيجەسىندە تۋرنير كەستەسىندە ايتارلىقتاي وزگەرىس بولعان جوق. بۇل تۋرالى egemen.kz حابارلادى.
جالپى, تۋر بارىسىندا وينالعان بارلىق ماتچ اسا تارتىستى ءوتتى. ورتالىق كەزدەسۋ سانالعان شىمكەنتتەگى جەرگىلىكتى «ورداباسى» مەن «استانا» اراسىنداعى ويىندا قوناقتاردىڭ مەرەيى ۇستەم بولدى. بۇل كەزدەسۋدەن جانكۇيەرلەر قوس مىقتىنىڭ كەسكىلەسكەن شايقاسىن كۇتكەن بولاتىن. العاشقى تايمدا سونداي ويىننىڭ كۋاسى بولعانىمىز دا جاسىرىن ەمەس. الايدا, ماتچتىڭ ەكىنشى بولىگىندە ۆيكتور كۋمىكوۆتان ءتالىم الاتىن شىمكەنتتىكتەر بار بىلگەنىنەن جاڭىلدى. سونىڭ ناتيجەسىندە «استانا» فۋتبولشىلارى ويىندى تولىعىمەن ءوز باقىلاۋلارىنا الدى. بىرنەشە جۇيەلى شابۋىل ۇيىمداستىرعان قوناقتار 52-مينۋتتا ەسەپ اشتى. مەرگەندىگىمەن كوزگە تۇسكەن پاتريك تۆۋماسي ارادا 20 مينۋت ۋاقىت وتكەندە كومانداسىنىڭ ەكىنشى گولىن سوقتى. وسىلايشا «استانا» 2:0 ەسەبىمەن جەڭىسكە جەتتى. ال «ورداباسى» ەكىنشى تۋر قاتارىنان جەڭىلىس تاپتى.
جانكۇيەرلەردىڭ نازارىن اۋدارعان تاعى ءبىر ويىن اقتوبەدە ءوتتى. ەجەلگى قارسىلاستار سانالاتىن «اقتوبە» مەن «توبىل» اراسىنداعى ماتچتا الاڭ يەلەرى 2:1 ەسەبىمەن باسىم ءتۇستى. دەگەنمەن, كەزدەسۋدىڭ 77-مينۋتىنا دەيىن قوناقتاردىڭ 1:0 ەسەبىمەن الدا تۇرعانىن ايتا كەتكەن ءجون. ويىننىڭ 6-مينۋتىندا-اق «توبىل» فۋتبولشىسى يۋرين ەسەپ اشقان بولاتىن. اقتوبەلىكتەر بۇل گولعا 77-مينۋتتا عانا جاۋاپ بەرە الدى. تارازى باسىن تەڭەستىرگەن پيززەلي. ال ارادا 2 مينۋت وتەر-وتپەستە نەكو «اقتوبەنىڭ» ەكىنشى گولىن سوقتى. ويىن سوڭىنا دەيىن بۇل ەسەپ وزگەرگەن جوق.
ال چەمپيوندىقتان باستى ۇمىتتىلەردىڭ ءبىرى الماتىنىڭ «قايراتى» بۇل تۋردا ۇپاي جوعالتتى. پاۆلوداردا «ەرتىسپەن» تەڭ ويناعان الماتىلىقتار تۋرنير كەستەسىندە ءبىر ساتى تومەن سىرعىپ, 3-ورىنعا جايعاستى.
سونىمەن قاتار, 17-تۋردا تۋرنير كەستەسىنىڭ سوڭىندا كەلە جاتقان كوماندالاردىڭ دا جەڭىس تويىن تويلاعانىن ەرەكشە ايتىپ وتكەن ءجون. 11-ساتىداعى «جەتىسۋ» سىرت الاڭدا «اتىراۋدان» باسىم تۇسسە (2:1), سوڭعى ورىنداعى «شاحتەر» قاراعاندىدا «وقجەتپەستى» ءىرى ەسەپپەن جەڭدى (3:0). وسىلايشا, «كەنشىلەر» ماۋسىمداعى ءۇشىنشى جەڭىسىنە قول جەتكىزدى. ال كوكشەتاۋلىقتار ءۇشىن بۇل قاتارىنان ءۇشىنشى جەڭىلىس.
«ورداباسى» (شىمكەنت) – «استانا» (استانا) 0:2 (0:0)
گولدار: تۆۋماسي 52, 72.
«شاحتەر» (قاراعاندى) – «وقجەتپەس» (كوكشەتاۋ) 3:0 (2:0)
گولدار: توپچاگيچ 3, پاۆلوۆ 19 اۆتوگول, ۆەتروۆ 83.
«تاراز» (تاراز) – «قايسار» (قىزىلوردا) 3:0 (2:0)
گولدار: پيششۋر 3, جۇماحانوۆ 31, گوليچ 71.
«ەرتىس» (پاۆلودار) – «قايرات» (الماتى) 1:1 (0:0)
گولدار: دۋدچەنكو 61 – گوۋ 79.
«اقتوبە» (اقتوبە) – «توبىل» (قوستاناي) 2:1 (0:1)
گولدار: پيززەلي 77, نەكو 79 – يۋرين 6.
«اتىراۋ» (اتىراۋ) – «جەتىسۋ» (تالدىقورعان) 1:2 (1:1)
گولدار: گريگورەۆ 31 – ساۆيچ 27, 71.
25 ماۋسىمعا دەيىنگى ناتيجەلەر بويىنشا تۋرنير كەستەسى
ۇزدىك مەرگەندەر:
جەرار گوۋ («قايرات») – 18 گول;
دۋشان ساۆيچ («جەتىسۋ») – 7 گول;
لۋكا روتكوۆيچ («وقجەتپەس»), كونستانتين دۋدچەنكو («ەرتىس»), پاتريك تۆۋماسي («استانا») – 6 گول.
18-تۋر ويىندارى 27-28 ماۋسىمدا وينالادى. اتالعان تۋرداعى قارسىلاستار تومەندەگىدەي:
«قايسار» – «ورداباسى»
«جەتىسۋ» – «اقتوبە»
«قايرات» – «استانا»
«توبىل» – «تاراز»
«وقجەتپەس» – «اتىراۋ»
«ەرتىس» – «شاحتەر»
ەلامان قوڭىر.
دەرەك: egemen.kz.
سۋرەت: vk.com.