اقتوبەدە سوت پسيحوتروپتىق زاتتاردىڭ زاڭسىز اينالىمىمەن اينالىسقان جەرگىلىكتى تۇرعىنعا ۇكىم شىعاردى, دەپ حابارلايدى Egemen.kz.
تۇراقتى جۇمىس ورنى جوق ەر ادامنىڭ ينتەرنەت-رەسۋرستار مەن Telegram مەسسەندجەرى ارقىلى بەلگىسىز تۇلعالارمەن ءسوز بايلاسقانى انىقتالدى. ول قالا اۋماعىندا «جاسىرىن ورىندار» ارقىلى پسيحوتروپتىق زاتتاردى وتكىزۋدى ۇيىمداستىرىپ, ءاربىر سالىنعان زات (زاكلادكا) ءۇشىن اقى الىپ وتىرعان.
قاراعاندىدا ەسىرتكى كونترابانداسىمەن اينالىسقان ستۋدەنت 15 جىلعا سوتتالدى
سوت كىنالى ادامعا جازاسىن قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە 7 جىلعا باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەنگەن جوق.
پەتروپاۆلدا سينتەتيكالىق ەسىرتكى ساتۋمەن اينالىسقان كۇدىكتى ۇستالدى
كولىك پروكۋراتۋراسى ەسىرتكى جانە پسيحوتروپتىق زاتتاردىڭ زاڭسىز اينالىمى ءۇشىن قاتاڭ قىلمىستىق جاۋاپكەرشىلىك قاراستىرىلعانىن ەسكەرتەدى جانە ازاماتتاردى قىراعى بولۋعا شاقىرادى.