وسكەمەن گارنيزونىنا قاراستى اسكەري بولىمدەردىڭ بىرىندە مەرزىمدى قىزمەتتەگى سارباز وزىنە قول جۇمسادى. بۇل تۋرالى قازاقستان قۇرلىق اسكەرىنىڭ تاربيەلىك جانە يدەولوگيالىق جۇمىسى جونىندەگى باس قولباسشىنىڭ ورىنباسارى ارىنعالي اقىشەۆ حابارلادى, دەپ جازادى Egemen.kz
«23 قاڭتار كۇنى وسكەمەن گارنيزونىنداعى اسكەري بولىمدەردىڭ بىرىندە قاراۋىل قىزمەتىن اتقارۋ كەزىندە مەرزىمدى اسكەري قىزمەتشى وزىنە بەكىتىلگەن قارۋدان ءوز-وزىنە وق اتىپ, العان جاراقاتىنان كوز جۇمدى. اسكەري قىزمەتشى وتكەن جىلدىڭ ءساۋىر ايىندا مەرزىمدى اسكەري قىزمەتكە شاقىرىلعان», دەدى ول.
اتالعان دەرەك بويىنشا ىشكى ىستەر مينيسترلىگىنىڭ شىعىس وڭىرلىك اسكەري تەرگەۋ باسقارماسىنىڭ وسكەمەن بولىمىندە قىلمىستىق ءىس قوزعالدى. تەرگەۋ بارىسى وسكەمەن گارنيزونىنىڭ اسكەري پروكۋراتۋراسىنىڭ باقىلاۋىندا.
الماتى وبلىسىندا اسكەري قىزمەتشى اتىس كەزىندە جارالاندى
قايعىلى وقيعانىڭ سەبەپتەرى مەن جاعدايلارى انىقتالىپ جاتىر, ال باسقا اقپارات تەرگەۋ مۇددەسىنە بايلانىستى جاريا ەتىلمەيدى.
سۋيتسيدكە بەيىم ازاماتتار اسكەرگە قابىلدانبايدى
قورعانىس ءمينيسترىنىڭ تاپسىرماسىمەن وقيعانىڭ وبەكتيۆتى ءارى جان-جاقتى زەرتتەلۋى ءۇشىن مينيسترلىكتىڭ گەنەرال-مايورى اسقار مۇستابەكوۆ باسقاراتىن كوميسسيا جۇمىس ىستەپ جاتىر.
شىمكەنتتە مەرزىمدى اسكەري قىزمەتتەگى سارباز كوز جۇمدى
قورعانىس مينيسترلىگى مەن قارۋلى كۇشتەر باسشىلىعى قازا تاپقان ساربازدىڭ تۋعان-تۋىستارى مەن جاقىندارىنا قايعىرىپ كوڭىل ايتادى. مينيسترلىك مارقۇمنىڭ وتباسىنا قولدانىستاعى زاڭناماعا سايكەس بارلىق قاجەتتى كومەك كورسەتىلەتىنىن مالىمدەدى.
الماتى وبلىسىندا وقۋ پوليگونىندا ساربازعا وق ءتيىپ, جاراقات الدى