توبىل قالاسىنداعى «التىن ءدان» اۋداندىق مادەنيەت ۇيىندە مۇمكىندىگى شەكتەۋلى ادامدارعا ارنالعان بوس جۇمىس ورىندارىنىڭ جارمەڭكەسى ءوتتى. «مۇمكىندىك» دەپ اتالعان ءىس-شارا قوستاناي وبلىسىنىڭ وڭىرلىك جوبالىق كەڭسەسىنىڭ 2026 جىلعا ارنالعان زاڭ مەن ءتارتىپ يدەولوگياسىن ىلگەرىلەتۋ جوسپارى اياسىندا ۇيىمداستىرىلىپ وتىر, دەپ حابارلايدى Egemen.kz.
اكتسيانىڭ اشىلۋ راسىمىنە قوستاناي اۋدانىنىڭ پروكۋرورى قايرات ءابدىروۆ, اۋدان اكىمى ولجاس نۇرعاليەۆ, اۋداندىق مۇگەدەكتەر قوعامىنىڭ توراعاسى قونىسباي سادىربەكوۆ, اۋدان كولەمىندەگى كاسىپورىندار مەن شارۋاشىلىق وكىلدەرى, قوعامدىق, مەملەكەتتىك مەكەمەلەردىڭ ماماندارى, زاڭ ورىندارىنىڭ قىزمەتكەرلەرى قاتىستى.
ارقالىق اۋەجايى بوس جۇمىس ورىندارى جارمەڭكەسىن وتكىزدى
ءىس-شارا بارىسىندا مۇمكىندىگى شەكتەۋلى ازاماتتارعا لايىقتى بوس جۇمىس ورىندارى, جالپى جانە كاسىبي ءبىلىم بەرۋ باعدارلامالارى تۋرالى اقپارات بەرىلدى. سونداي-اق زاعيپ جانداردىڭ قۇقىقتارى, مەملەكەتتىك قولداۋ شارالارى جانە ۋاكىلەتتى مەملەكەتتىك ورگانداردىڭ بايلانىس دەرەكتەرى تۋرالى بروشيۋرا, جادىنامالار تاراتىلدى.
اتالعان اكتسيا اياسىندا پروكۋراتۋرا قىزمەتكەرلەرى مەن اۋداندىق جۇمىسپەن قامتاماسىز ەتۋ ءبولىمىنىڭ ماماندارىنان قۇرالعان ءموبيلدى توپ ءجۇرىپ-تۇرۋى قيىن 5 تۇرعىننىڭ ۇيىنە بارىپ, جاي-كۇيىمەن تانىسىپ, الەۋمەتتىك قولداۋ شارالارى تۋرالى اقپارات بەردى.
كومپانيالار 200-دەن استام بوس جۇمىس ورنىن ۇسىنىپ وتىر
جارمەڭكەگە 70-تەن اسا مۇمكىندىگى شەكتەۋلى ادام كەلدى. ءبىرازى دەنساۋلىعىنا, الەۋمەتتىك جاردەماقىعا, باسپانا ماسەلەسىنە قاتىستى قۇقىقتىق كەڭەس السا, ون شاقتى ادام مەحانيك, تىگىنشى, كۇزەتشى بولىپ جۇمىسقا ورنالاساتىن بولىپ كەلىستى.