2025 جىلى ازىق-ت ۇلىك كەلىسىمشارت كورپوراتسياسىنىڭ ەنشىلەس كاسىپورنى – «اق بيداي-تەرمينال» اق ارقىلى استىقتى اۋىستىرىپ-تيەۋ كولەمى 316,5 مىڭ تونناعا جەتتى. بۇل وتكەن جىلعى كورسەتكىشتەن 72%-عا ارتىق. ەكسپورتتىڭ باستى باعىتى قازاقستاندىق استىققا تۇراقتى قىزىعۋشىلىق تانىتاتىن يران يسلام رەسپۋبليكاسى بولدى, دەپ حابارلايدى Egemen.kz.
وتكەن جىلدىڭ ەكىنشى جارتىسىندا جەتكىزىلىم لوگيستيكاسىنا اقتاۋ – كاسپي تەڭىزىنىڭ يران پورتتارى باعىتىنداعى تەڭىز فلوتىنىڭ ۋاقىتشا تاپشىلىعى, اۋا رايى جاعدايلارى, سونداي-اق يرانداعى گەوساياسي جاعدايدىڭ وزگەرۋى سياقتى فاكتورلار ايتارلىقتاي اسەر ەتتى.
يراندىق ساتىپ الۋشىلار تاراپىنان سۇرانىس جوعارى بولعاندىقتان بيىل «اق بيداي-تەرمينال» ارقىلى اۋىستىرىپ-تيەۋ جوسپارىن 400 مىڭ تونناعا جەتكىزۋ جوسپارلانىپ وتىر. ەكسپورتتىق جونەلتۋلەر ءۇشىن كاسپيدە ءتۇپ تەرەڭدەتۋ جۇمىستارى جۇرگىزىلەدى.
قازاقستان قاي ەلدەرگە استىق تاسىمالداۋدى ارتتىردى؟
استىق تەرمينالى تاۋلىك بويى جۇمىس ىستەيدى.
ايتا كەتەيىك, «اق بيداي-تەرمينال» اق «ازىق-ت ۇلىك كەلىسىمشارت كورپوراتسياسى» ۇك» اق ەنشىلەس ۇيىمى. ونىڭ نەگىزگى قىزمەتى – استىقتى تەمىرجول كولىگىنەن اقتاۋ پورتىندا تەڭىز كەمەلەرىنە اۋىستىرىپ-تيەۋ. استىق كەشەنى اقتاۋ پورتىندا ورنالاسقان, ول 2002 جىلى سالىنعان جانە كاسپي وڭىرىندەگى ەڭ ۇلكەنى بولىپ سانالادى. تەرمينال جىلىنا 600 مىڭ توننا استىقتى اۋىستىرىپ-تيەۋ قۋاتىنا يە.
وتاندىق استىق ەكسپورتتاۋشىلار سۋبسيديانى قاي كەزدە الادى؟