قوناەۆ قالاسىندا جول-كولىك ينفراقۇرىلىمىن دامىتۋ بويىنشا جۇمىستار جۇيەلى تۇردە جالعاسىپ كەلەدى. اتقارىلعان ىستەردىڭ ناتيجەسىندە بۇگىندە قالاداعى قاناعاتتانارلىق جاعدايداعى جولداردىڭ ۇلەسى 90%-عا جەتتى, دەپ حابارلايدى Egemen.kz.
قالادا وتكەن جىلى بىرقاتار ءىرى جوبالار باستالىپ, كەيبىرى ءوز مارەسىنە جەتكەن. ونىڭ ىشىندە «كوشپەندىلەر» قالاشىعىنا دەيىن 6,8 شاقىرىم جول سالىندى. مۇندا جول بويى تولىعىمەن جارىقتاندىرىلىپ, قالاشىقتىڭ الدىندا اۆتوتۇراق ۇيىمداستىرىلدى.
40 مىڭ شاقىرىمنان استام تاسجولدا ينتەرنەت پايدا بولادى
ال «قارلىعاش» ىقشاماۋدانىندا 7,4 شاقىرىم جول كۇردەلى جوندەۋدەن ءوتىپ جاتىر. بۇل اۋداندا 8,5 شاقىرىم جاياۋ جۇرگىنشىلەر جولى سالىنىپ, ايالدامالار ورناتىلادى. سونداي-اق كوشە بويى جارىقتاندىرىلادى. جوبا بيىلعى جىلعا وتپەلى.
تەگىس جولدا دا توسقاۋىل بار
كەشەندى دامۋ جوسپارىنا سايكەس, شەڭگەلدى اۋىلدىق وكرۋگىنە قاراستى كەربۇلاق, سارىبۇلاق, اقوزەك, قوسقۇدىق اۋىلدارى بويىنشا 29,2 شاقىرىم جول جوندەلدى. جولداردى كۇتىپ ۇستاۋعا كەلەر بولساق, 4 000 شارشى مەتر شۇڭقىر جامالىپ, 1 300 مەترگە اعىمداعى جوندەۋ جۇمىستارى جۇرگىزىلدى. سونداي-اق 520 دانا جول بەلگىسى, 14 جاساندى تومپەشىكتەر ورناتىلدى.
الماتى وبلىسى