استانادا 24 قاڭتار كۇنى بۇقارالىق شاڭعى جارىسى ۇيىمداستىرىلادى. قالا اكىمدىگى جارىس ساعات 10:00-دە ورتالىق ساياباقتاعى شاڭعىروللەر جولىندا باستالاتىنىن حابارلادى, دەپ جازادى Egemen.kz.
ءىس-شارا اياسىندا قول كۇرەسى, گىر تاسىن كوتەرۋ, ارقان تارتىس جانە بەلبەۋ كۇرەسى بويىنشا دا سايىستار ۇيىمداستىرىلادى.
«بۇل جارىس ءداستۇرلى سپورتتىق ءىس-شاراعا اينالدى. نەگىزگى باسەكە – شاڭعى جارىسى. ول 16 جاس ەرەكشەلىك ساناتى بويىنشا قىزدار مەن ۇلدار اراسىندا وتكىزىلەدى. قاشىقتىقتار 500 مەتردەن باستاپ 1 جانە 2,5 شاقىرىمعا دەيىن بەلگىلەنگەن. قاتىسۋشىلاردى تىركەۋ ساعات 10:00-دە باستالىپ, ستارت بەلگىسى 11:00-دە بەرىلەدى. بارلىق جارىسقا قاتىسۋ تەگىن», دەدى قالالىق سپورتتىق ءىس-شارالاردى وتكىزۋ ديرەكتسياسى باسشىسىنىڭ ورىنباسارى ەرجىگىت وسەرباي.
بۇقارالىق سپورتتى دامىتۋدىڭ ناقتى قادامدارى
سپورتتىق دودانىڭ وتۋىنە استانا قالاسى اكىمدىگى مەن قالالىق سپورتتىق ءىس-شارالاردى وتكىزۋ ديرەكتسياسى ۇيىتقى بولىپ وتىر.
ايتا كەتەيىك, تۋريزم جانە سپورت مينيسترلىگىنىڭ مالىمەتىنشە, بۇگىندە حالىقتىڭ 40,4 پايىزى, ياعني 8 406 213-تەن استام ادام تۇراقتى تۇردە دەنە شىنىقتىرۋمەن جانە سپورتپەن شۇعىلدانادى.
بۇقارالىق سپورتقا دا باپ قاجەت