«رەال مادريد» فۋتبول كلۋبى حابي الونسومەن ءوزارا كەلىسىمى بويىنشا ونىڭ نەگىزگى قۇرامنىڭ باس باپكەرى قىزمەتىنەن بوساتىلعانىن حابارلادى. كورولدىك كلۋب قۇرامانى باپتايتىن جاڭا باپكەردىڭ دە ەسىمىن جاريالادى, دەپ جازادى Egemen.kz.
«رەال مادريد» حابي الونسونى كلۋبتىڭ ءبىر بولشەگى بولىپ قالا بەرەتىنىن جەتكىزىپ, اڭىز ويىنشى مەن ول باستاعان باپكەرلىك قۇرامعا ريزاشىلىعىن ءبىلدىردى.
ء«بىزدىڭ كلۋب حابي الونسوعا جانە ونىڭ بارلىق باپكەرلىك قۇرامىنا وسى ۋاقىت ارالىعىنداعى كلۋبقا سىڭىرگەن ەڭبەگى مەن ادالدىعى ءۇشىن العىس ايتادى. ولارعا ءومىرىنىڭ جاڭا تاراۋىندا ساتتىلىك تىلەيدى», دەلىنگەن «رەال ءمادريدتىڭ» رەسمي سايتىنداعى مالىمدەمەدە.
ال كلۋبتىڭ جاڭا باس باپكەرى بولىپ الۆارو اربەلوا تاعايىندالدى. الۆارو اربەلوا 2020 جىلدان بەرى «رەال ءمادريدتىڭ» باپكەرلىك قۇرامىندا بولىپ, اكادەميادا قىزمەتى ورلەپ كەلەدى. ول 2020-2021 جىلعى فۋتبول ماۋسىمىندا «Infantil ا» كومانداسىن چەمپيوندىق دەڭگەيگە دەيىن جەتكىزدى. سودان كەيىن 2021-2022 جىلعى فۋتبول ماۋسىمىندا «Cadete ا» كومانداسىن ءساتتى باسقاردى.
«رەالدىڭ» جاڭا باپكەر جەتەكشىلىگىندەگى العاشقى ويىنى 14 قاڭتارعا جوسپارلانعان. سول كۇنى قۇراما يسپانيا كۋبوگىنىڭ 1/8 فينالىندا «الباسەتەگە» قارسى الاڭعا شىعادى.
ايتا كەتەيىك, الۆارو اربەلوا كورولدىك كلۋب ساپىندا 2009 جىلدان 2016 جىلعا دەيىن دوپ تەپتى. 238 رەسمي ماتچقا قاتىسىپ, سەگىز كۋبوك جەڭىپ الدى.
«رەال مادريد» حابي الونسونى قىزمەتىنەن بوساتۋ تۋرالى شەشىمدى ساۋد ارابياسىنىڭ دجيددا قالاسىندا يسپانيا سۋپەركۋبوگىندە «بارسەلونادان» جەڭىلگەننەن كەيىن جاريالادى.
ەسكە سالايىق, چەمپيوندار ليگاسى اياسىندا «رەال مادريد» الماتىلىق «قايراتپەن» كەزدەسىپ, قوناقتار 5-0 ەسەبىمەن العا شىققان ەدى.
«قايرات» – «رەال مادريد» ويىنىن تاماشالاۋعا 5 مىڭ شەتەلدىك تۋريست كەلدى.