قاڭتار ايىنىڭ سوڭىندا جاڭا جىلدىق شىرشالار قوقىسقا شىعارىلادى. لاقتىرىلعان شىرشالار بويىنشا ناقتى تسيفرلار جوق, بىراق الماتىدا 2026 جىلعى 18 قاڭتارعا دەيىن حايۋاناتتار پاركى ءۇشىن (جانۋارلار مەن ورتانى بايىتۋعا ارنالعان) ءتىرى شىرشالار جينالىپ جاتىر جانە قالا تۇرعىندارىن ولاردى لاقتىرۋدىڭ ورنىنا تاپسىرۋعا شاقىرادى, دەپ حابارلايدى Egemen.kz.
حايۋاناتتار باعىنىڭ اكتسياسى مىڭداعان شىرشالاردىڭ «ەكىنشى ومىرىنە» مۇمكىندىك بەرەدى.
قالالىق اكىمدىكتىڭ مالىمەتىنشە, جينالعان شىرشالار تورلارعا ورنالاستىرىلىپ, تىرشىلىك ەتۋ ورتاسىن بايىتاتىن ەلەمەنتتەرگە اينالادى. قىلقان جاپىراقتى اعاشتار جانۋارلارعا ويىنشىق رەتىندە دە, ءتاتتى-دامدىلەر رەتىندە دە قىزمەت ەتەدى. ونىڭ ۇستىنە وتە پايدالى, س دارۋمەنىنە باي. شىرشالاردى ياگۋارلار مەن مايمىلدار جاقسى كورەدى. ولارمەن مارالدار دا ويناعاندى ۇناتادى.
«شىرشالار بۇعىلار, ەلىكتەر, قىرعاۋىلدار, قوشقارلار جانە باسقا دا جانۋارلار قوراسىندا قولدانىلادى. جاڭا تابيعي وبەكتىلەر جانۋارلاردى قىزىقتىرادى: ولار اعاشتاردى زەرتتەيدى, ولاردىڭ ءدامىن كورەدى, ۇيكەلەيدى, بۇتاقتارىمەن جانە قابىعىمەن وينايدى. بۇل ولاردىڭ بەلسەندىلىگىن ارتتىرۋعا, كۇيزەلىستى ازايتۋعا جانە كۇندەلىكتى ءومىردىڭ الۋان تۇرلىلىگىنە ىقپال ەتەدى» دەلىنگەن حابارلامادا.
ەكولوگيالىق قۇرامداس بولىكتەن باسقا, اكتسيانىڭ اعارتۋشىلىق ماقساتى دا بار – ول قالا تۇرعىندارىنا تابيعاتقا ۇقىپتى قاراۋدىڭ ماڭىزدىلىعىن ەسكە سالادى.