27 قاراشادا اقتاۋ تۇرعىنى TikTok الەۋمەتتىك جەلىسىندە «aktauetsupnaborzakaz» اتتى اككاۋنت ارقىلى ەت ونىمدەرىن ارزان باعادا ساتۋ تۋرالى حابارلاندىرۋ جاريالاعان. باعاسى تارتىمدى بولعاندىقتان, 10 جەلتوقسانعا دەيىن تاپسىرىستار بىرىنەن سوڭ ءبىرى كەلىپ تۇسە باستاعان. وسى ۋاقىت ىشىندە ول بولاشاق جەتكىزىلىمدەر ءۇشىن الدىن الا تولەم رەتىندە شامامەن 400 مىڭ تەڭگە جيناپ ۇلگەرگەن. الايدا ونىڭ الاياقتىق ارەكەتىن كيبەرقىلمىسقا قارسى كۇرەس باسقارماسى اشكەرەلەدى, دەپ حابارلايدى Egemen.kz.
Lada.kz ماڭعىستاۋ وبلىستىق پوليتسيا دەپارتامەنتى قازىرگى ۋاقىتتا 20-دان استام جابىرلەنۋشىنى انىقتاعانىن جازادى.
«اتالعان فاكتى بويىنشا قر قك 190-بابى 3-بولىگىنىڭ 1-تارماعىمەن (الاياقتىق) قىلمىستىق ءىس تىركەلدى. كۇدىكتىگە ەلدەن شىقپاۋ تۋرالى قولحات تۇرىندەگى بۇلتارتپاۋ شاراسى قولدانىلدى. تەرگەۋ امالدارى جۇرگىزىلىپ جاتىر», دەلىنگەن ۆەدوموستۆو حابارلاماسىندا.
قۇقىق قورعاۋ ورگاندارى ءوڭىر تۇرعىندارىن ينتەرنەت ارقىلى ساۋدا جاساعاندا بارىنشا ساق بولۋعا شاقىرادى. بەلگىسىز ادامدارعا اقشا اۋدارماس بۇرىن, ساتۋشى مەن تاۋار تۋرالى اقپاراتتىڭ شىنايىلىعىنا كوز جەتكىزۋ قاجەت. تولەم جاساماس بۇرىن اككاۋنتتى, پىكىرلەردى, جاريالانىمدار تاريحىن مۇقيات تەكسەرىپ, مۇمكىندىگىنشە رەسمي جانە راستالعان بايلانىس ارنالارى ارقىلى ساتۋشىمەن حابارلاسۋ ۇسىنىلادى.
نارىقتاعى ورتاشا باعادان الدەقايدا تومەن ۇسىنىستارعا ارقاشان ساقتىقپەن قاراۋ قاجەت. مۇنداي حابارلاندىرۋلاردى ادەتتە الاياقتار ءجيى قولدانادى.