دوپينگ داۋى: قازاقستاندىق ەركىن كۇرەس شەبەرى مادحيا ۋسمانوۆا ءتورت جىلعا جارىستاردان شەتتەتىلدى

قازاقستان رەسپۋبليكاسى انتيدوپينگ ورتالىعىنىڭ مالىمەتىنشە, سپورتشىنىڭ 2025 جىلعى 31 شىلدەدە الىنعان دوپينگ-سىناماسىنان تىيىم سالىنعان مەلدوني پرەپاراتى انىقتالعان.

وسى ناتيجەدەن كەيىن ۋسمانوۆا ءتورت جىلعا جارىستاردان الاستاتىلدى. ونىڭ شەتتەتىلۋ مەرزىمى 2025 جىلدىڭ 31 قازانىنان باستالىپ, 2029 جىلدىڭ 12 قازانىندا اياقتالادى.

وتكەن جىلدىڭ جازىندا مادحيا ۋسمانوۆا 17 جاسقا دەيىنگى قىزدار اراسىنداعى الەم چەمپيوناتىندا التىن مەدال جەڭىپ الدى. 57 كەلى سالماق دارەجەسىندەگى شەشۋشى بەلدەسۋدە ول ۇندىستاندىق قارسىلاسىن 6:5 ەسەبىمەن ۇتتى. ەندى مادحيا الگى جەڭىپ العان مەدالىنەن ايىرىلۋى مۇمكىن.