استانادا ITTF World Table Tennis Championships Finals Astana 2027 الەم چەمپيوناتىن ۇيىمداستىرۋعا ارنالعان حالىقارالىق ناۋقاننىڭ رەسمي تانىستىرىلىمى ءوتتى, دەپ حابارلايدى Egemen.kz.
ءىس-شاراعا مەملەكەتتىك ورگانداردىڭ وكىلدەرى, حالىقارالىق جانە وتاندىق باق, سپورت قاۋىمداستىعى, بيزنەس جانە تۋريزم سالاسىنىڭ ماماندارى, سونداي-اق كرەاتيۆتى يندۋستريا وكىلدەرى قاتىستى.
«بۇگىن حالىقارالىق ۇستەل تەننيسى فەدەراتسياسى تۋىنىڭ رەسمي تانىستىرىلىمى ءوتىپ جاتىر. 10 مامىر كۇنى لوندوندا كوماندالىق الەم چەمپيوناتى اياقتالدى, ونىڭ قورىتىندىسى بويىنشا تۋدى سالتاناتتى تابىستاۋ ءراسىمى ءوتتى. بۇل – ءداستۇرلى, جىل سايىن وتەتىن شارا. الەم چەمپيوناتىن وتكىزەتىن ەل كەلەسى ۇيىمداستىرۋشى مەملەكەتكە ەستافەتانى تابىستايدى», دەدى قازاقستان ۇستەل تەننيسى فەدەراتسياسى جانىنداعى ۇيىمداستىرۋ كوميتەتىنىڭ ديرەكتورى ءدىلمار ءجۇمادىلوۆ.
ونىڭ ايتۋىنشا, استاناعا شامامەن 1200 ادام – سپورتشىلار, ۇلتتىق قۇرامالار, جاتتىقتىرۋشىلار مەن حالىقارالىق فەدەراتسيا وكىلدەرى كەلەدى دەپ كۇتىلەدى.
تەننيس ۇستەلىندەگى سەنساتسيا: AI-روبوت كاسىبي ويىنشىلاردى جەڭدى
تانىستىرىلىم بارىسىندا چەمپيوناتتىڭ رەسمي تۋىن الىپ شىعۋ ءراسىمى ءوتىپ, چەمپيوناتتىڭ رەسمي تۇمارى, كادەسىي جانە يميدجدىك ونىمدەرىن ازىرلەۋگە ارنالعان حالىقارالىق جانە رەسپۋبليكالىق بايقاۋلار جاريالاندى.
ۇيىمداستىرۋشىلار الەم چەمپيوناتى قازاقستانداعى ەڭ ءىرى حالىقارالىق سپورتتىق وقيعالاردىڭ بىرىنە اينالاتىنىن اتاپ ءوتتى.
ەسكە سالا كەتەيىك, بۇعان دەيىن قازاقستانعا ۇستەل تەننيسىنەن الەم چەمپيوناتىنىڭ تۋى تاپسىرىلعانىن جازعان ەدىك.