قازاقستاننىڭ ۇبت سەرتيفيكاتى مالايزيانىڭ جوعارى ءبىلىم مينيسترلىگى تاراپىنان رەسمي تۇردە تانىلىپ, ەل ۋنيۆەرسيتەتتەرىنىڭ باكالاۆريات باعدارلامالارىنا قابىلداۋ كەزىندە ۇسىنىلاتىن قۇجاتتار تىزىمىنە ەنگىزىلدى, دەپ حابارلايدى Egemen.kz
بۇل قازاقستاندىق تالاپكەرلەردىڭ اكادەميالىق دايارلىعىن باعالاۋ جۇيەسىنىڭ حالىقارالىق دەڭگەيدە مويىندالۋىنىڭ ماڭىزدى كورسەتكىشى بولدى.
ەندى قازاقستاندىق تۇلەكتەر مالايزيانىڭ بىرقاتار ۋنيۆەرسيتەتتەرىنە مىندەتتى Foundation دايارلىق باعدارلاماسىن وتپەي-اق, ۇبت سەرتيفيكاتى ارقىلى وقۋعا تۇسە الادى. سونىمەن قاتار اعىلشىن تىلىندە وقىتىلاتىن ءبىلىم بەرۋ باعدارلامالارىنا ءتۇسۋ ءۇشىن IELTS, TOEFL نەمەسە بالامالى سەرتيفيكاتتار ارقىلى اعىلشىن ءتىلىن مەڭگەرۋ دەڭگەيىن راستاۋ تالاپتارى ساقتالادى.