قاڭتاردا وتەتىن ۇبت-عا ءوتىنىش قابىلداۋ اياقتالدى

تالاپكەرلەر تەستىلەۋ كۇنىن وزدەرى تاڭدادى

اتاپ وتسەك, تالاپكەرلەر ءوتىنىش بەرۋ بارىسىندا ولار تەستىلەۋ كۇنىن, ۋاقىتىن جانە پۋنكتىن وزدەرى تاڭدادى.

ۇبت بارىسىندا كالكۋلياتور, حيميالىق ەلەمەنتتەردىڭ پەريودتىق جۇيەسى (مەندەلەەۆ كەستەسى) جانە تۇزداردىڭ ەرىگىشتىك كەستەسى تەستىلەۋ باعدارلاماسىندا قولجەتىمدى بولادى. تەست تاپسىرۋشىلار تەستىلەۋ اياقتالعاننان كەيىن 30 مينۋت ىشىندە اپەللياتسياعا ءوتىنىش بەرە الادى. اپەللياتسياعا ءوتىنىش بەرگەن تەستىلەنۋشىلەردىڭ سەرتيفيكاتى اپپەلياتسيالىق كوميسسيانىڭ  شەشىمىنەن كەيىن تالاپكەردىڭ جەكە كابينەتىندە شىعادى.

مينيسترلىك: ۇبت ترانسفورماتسياسى 2027 جىلى باستالادى

ۇبت فورماتىندا وزگەرىس بار ما؟

2026 جىلى ۇلتتىق بىرىڭعاي تەستىلەۋدىڭ فورماتى وزگەرىسسىز قالادى. تالاپكەرلەر ءۇش مىندەتتى ءپاندى جانە تاڭداۋى بويىنشا ەكى بەيىندىك ءپاندى تاپسىرادى. ۇبت تاپسىرمالارىنىڭ جالپى سانى – 120. ونىڭ ىشىندە «قازاقستان تاريحى» ءپانى بويىنشا 20 تاپسىرما, «وقۋ ساۋاتتىلىعى» مەن «ماتەماتيكالىق ساۋاتتىلىق» پاندەرىنەن 10 تاپسىرمادان, سونداي-اق ەكى بەيىندىك ءپاننىڭ ارقايسىسىنان 40 تاپسىرمادان بەرىلەدى. ۇبت بويىنشا ەڭ جوعارى بالل دا وزگەرمەيدى جانە 140 بالدى قۇرايدى.

قاڭتار ايىنداعى ۇبت-عا ءوتىنىش قابىلداۋ قاشان باستالادى؟

تەستىلەۋ ۋاقىتى – 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.

اقىلى نەگىزدەگى كۇندىزگى وقۋ

ەستەرىڭىزگە سالايىق, قاڭتارداعى ۇبت-عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعاندار, شىعارماشىلىق ءبىلىم بەرۋ باعدارلامالارى توبىنان (ببت) اقىلى نەگىزدە باسقا دايىندىق باعىتتارىنا, پەداگوگيكالىق باعىتقا اقىلى نەگىزدە اۋىسقىسى كەلەتىندەر, وتكەن جىلعى مەكتەپ جانە كوللەدج تۇلەكتەرى, قازاقستان ازاماتى بولىپ تابىلمايتىن ۇلتى قازاق تۇلعالار, شەتەلدە ءبىلىم العان قازاقستان ازاماتتارى, سونداي-اق مەكتەپ ءتامامدايتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.