قازاقستاندىق «بارىس» كومانداسى بۇگىن, ياعني 21 جەلتوقساندا قۇرلىقتىق حوككەي ليگاسىنداعى كەزەكتى ويىنىن ەلوردادا رەسەيدىڭ «سوچي» كومانداسىنا قارسى وتكىزەدى, دەپ جازادى Egemen.kz.
كەزدەسۋ قازاقستان ۋاقىتىمەن 17:00-دە باستالىپ, «Qazsport» تەلەارناسىنان تىكەلەي ەفيردە كورسەتىلەدى.
قازىرگە دەيىن كوماندالار 23 مارتە شەبەرلىك بايقاستى. ونىڭ 16-ى ەلوردالىق كوماندانىڭ باسىمدىعىمەن اياقتالسا, قالعانىندا رەسەيلىك ۇجىم جەڭىسكە جەتتى.
كەيىنگى بەس كەزدەسۋدىڭ بىرەۋىندە قازاقستاندىق كلۋب اتالعان قارسىلاسىنا ەسە جىبەردى.
تۋرنير كەستەسىندە «بارىس» 34 ۇپايمەن 17-ورىنعا جايعاسسا, «سوچي» 23 ۇپايمەن 22-ورىندا كەلەدى.
قازاقستاندىق كلۋب بۇدان كەيىن ءۇش ويىنىن ەلوردادا وتكىزەدى. الدىمەن 23 جەلتوقساندا رەسەيدىڭ «تراكتور» (چەليابى) كلۋبىمەن ويناسا, 25 جەلتوقساندا «اۆتوموبيليست» (ەكاتەرينبۋرگ), 27 جەلتوقساندا «امۋر» (حاباروۆسك) كوماندالارىمەن كەزدەسەدى.