قابىلدانعان زاڭعا سايكەس, داعدارىستى جانە شۇعىل جاعدايدا جۇرگەن ازاماتتار ءۇشىن مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسى بويىنشا جارنالاردى تولەۋ جەرگىلىكتى اتقارۋشى ورگانداردىڭ مىندەتىنە جۇكتەلدى, دەپ حابارلايدى Egemen.kz.
جارنالار ادامنىڭ مەديتسينالىق كومەككە جۇگىنۋ فاكتىسىنە قاراي ەسەپتەلەدى. بۇل قاجەتتى مەديتسينالىق قىزمەتتەرگە قولجەتىمدىلىكتى قامتاماسىز ەتۋگە مۇمكىندىك بەرەدى.
وسى شارالاردىڭ ارقاسىندا 2026 جىلى ءمامس جۇيەسىمەن قامتىلاتىن ازاماتتار سانى شامامەن 1 ميلليون ادامعا ارتادى. مەديتسينالىق كومەك الۋ ءۇشىن تۇرعىلىقتى جەرى بويىنشا ەمحاناعا تىركەلۋ قاجەت.
ءمامس جۇيەسىندەگى مارتەبەنى مىنا جولدارمەن تەكسەرۋگە بولادى:
الەۋمەتتىك مەديتسينالىق ساقتاندىرۋ قورىنىڭ msqory.kz سايتىندا; SaqtandyryBot Telegram-بوتى ارقىلى; Qoldau 24/7, Damumed ءموبيلدى قوسىمشالارىندا, سونداي-اق Kaspi, Halyk, تسكب, Freedom, Bereke, Home Credit, ەۋرازيالىق بانك جانە ForteBank بانكتەرىنىڭ قوسىمشالارى ارقىلى.