ناتيجەلى كەلىسسوز

پرەمەر-ءمينيستردىڭ ورىنباسارى قانات بوزىمباەۆ كورەيا­نىڭ شەتەلدىك ينفراقۇرىلىم جانە قالالىق دامۋ كورپورا­تسياسىنىڭ (KIND) پرەزيدەنتى جانە باس ديرەكتورى كيم پوك-حۆانمەن كەزدەسۋ وتكىزدى.

استانادا وتكەن كەزدەسۋ قازان ايىندا سەۋلدە «Alatau Rise with Kazakhstan» روۋد-شوۋى اياسىندا وتكەن كەلىسسوزدەردىڭ جالعاسى بولدى. ءىس-شارادا قازاقستاندىق تاراپ الاتاۋ سمارت-قالاسىن ەل­دىڭ ستراتەگيالىق ماڭىزدى جوبا­لارىنىڭ ءبىرى رەتىندە تانىستىردى.

«كوپتەگەن كورەي كومپانيالارى ءبىزدىڭ كەلەشەگى زور «Alatau Smart City» جوبامىزدى قول­دا­دى, بۇل ءبىزدى قۋانتادى. KIND ين­فرا­قۇرىلىمدىق قۇرىلىس جوبالارىنا, سونىڭ ىشىندە ەنەرگەتيكا, سۋمەن جابدىقتاۋ, سۋ تازارتۋ, سارقىندى سۋلاردى وڭدەۋ جانە سۋ بۇرۋ, قاتتى تۇرمىستىق قالدىقتاردى قايتا وڭدەۋ باعىت­تارىنداعى جوبالارعا EPC-كەلىسىم­شارتتارى نەمەسە دەۆەلوپمەنت فورماتى بويىنشا قاتىسا الادى», دەدى قانات بوزىمباەۆ.

كەزدەسۋ بارىسىندا تاراپ­تار لوگيستيكا جانە پورت ينفراقۇرىلىمى سالاسىنداعى وزگە دە الەۋەتتى جوبالار بويىنشا بىرلەسىپ جۇمىس ىستەۋ مۇمكىندىكتەرىن تالقىلادى. كەڭ اۋقىمدى ىنتىماقتاستىق الەۋەتىن ەسكەرە وتىرىپ, ۆيتسە-پرەمەر KIND باسشىسىنا قازاقستاندا كورپوراتسيا كەڭ­سەسىن اشۋدى ۇسىندى.

كەلىسسوزدەر ناتيجەسىندە قازاق­ستان رەسپۋبليكاسىنىڭ ونەر­كاسىپ جانە قۇرىلىس مي­نيستر­لىگى, «Alatau City Authority» مەملەكەتتىك قورى جانە كورەيانىڭ شەتەلدىك ينفرا­قۇرىلىم جانە قا­لالىق دامۋ كور­پوراتسياسى ارا­سىندا «Alatau Smart City» جوباسىن دامىتۋ جونىن­دەگى ءوزارا تۇسىنىستىك تۋرالى مەمو­ران­دۋمعا قول قويىلدى.