پاۆلودارلىق كاسىپكەردى ءولتىرىپ, كورشى ەلگە قاشىپ كەتكەن كۇدىكتى قازاقستانعا اكەلىندى. قازىر كۇدىكتى تەرگەۋ يزولياتورىنا قامالىپ, وعان قىلمىستىق كودەكستىڭ سايكەس باپتارى بويىنشا 8 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن, دەپ حابارلايدى Egemen.kz.
باس پروكۋراتۋرانىڭ مالىمەتىنشە, بيىلعى جىلدىڭ 21 اقپانىندا كاسىپكەر جۇمىسقا كەتىپ, كەيىن بايلانىسقا شىقپاعان. بۇل جاعداي ونىڭ حابار-وشارسىز جوعالعان دەپ تانىلۋىنا سەبەپ بولدى.
«سوتقا دەيىنگى تەرگەپ-تەكسەرۋ بارىسىندا سول كۇنى كاسىپكەردىڭ پاۆلوداردا كۇدىكتىمەن ونىڭ تۇرعىن ءۇيىنىڭ اۋلاسىندا كەزدەسكەنى انىقتالدى. قارجىلىق كەلىسپەۋشىلىكتەرگە بايلانىستى ولاردىڭ اراسىندا جانجال تۋىنداپ, قاسكۇنەم جابىرلەنۋشىنىڭ كەۋدەسى مەن بەتىنە 22 رەت پىشاق سۇققان. جابىرلەنۋشى سول جەردە العان جاراقاتتارىنان كوز جۇمعان», دەلىنگەن حابارلامادا.
قىلمىستىڭ ءىزىن جاسىرۋ ماقساتىندا كۇدىكتى مارقۇمنىڭ دەنەسىن جانە اۆتوكولىگىن گاراجعا جاسىرىپ, كەيىن ءوزى شەتەلگە قاشىپ كەتكەن.
كۇدىكتى ناۋرىز ايىندا رەسەيدە ۇستالىپ, باس پروكۋراتۋرانىڭ سۇراۋى بويىنشا ەلگە ەكستراديتسيالاندى.