الماتى قالاسىندا سوتتالعان كامەلەتكە تولماعاندارعا ارنالعان جاڭا قىلمىستىق-اتقارۋ جۇيەسى مەكەمەسى رەسمي تۇردە جۇمىسىن باستادى. جاڭا نىساندى ىشكى ىستەر ءمينيسترى ەرجان سادەنوۆ تەكسەرىپ قايتتى, دەپ حابارلايدى Egemen.kz.
ىشكى ىستەر ءمينيسترى ەرجان سادەنوۆ جاڭا مەكەمەنى ارالاپ, جۇمىستى ۇيىمداستىرۋمەن, ۇستاۋ شارتتارىمەن جانە جاسوسپىرىمدەرگە ارنالعان ءبىلىم بەرۋ ورتاسىمەن تانىستى.
مەكەمە 200 ورىنعا ەسەپتەلگەن جانە سوتتالعاندارمەن قارىم-قاتىناس جاساۋدىڭ حالىقارالىق ستاندارتتارىنا سايكەس سالىنعان.
ءىىم-ءنىڭ مالىمدەۋىنشە, كولونيادا جاسوسپىرىمدەردى ۇستاۋ ءۇشىن قاۋىپسىز, زاماناۋي جانە پسيحولوگيالىق جاعىنان قولايلى جاعدايلار جاسالعان. باسا نازار ءبىلىم بەرۋ جانە الەۋمەتتىك جۇمىستارعا اۋدارىلعان.
سوتتالعان كامەلەتكە تولماعاندار BINOM مەكتەبىندە جانە كوللەدجدە وقيدى. ولار مۇندا سۇرانىسقا يە ماماندىقتاردى مەڭگەرەدى.
نىساننىڭ اۋماعىندا كەلەسى نىساندار جابدىقتالعان:
كىتاپحانا جانە اكت زالى; اسحانا جانە مەديتسينالىق پۋنكت; فۋتبول الاڭى, باسكەتبول زالى, workout-الاڭ; وقۋ سىنىپتارى جانە وندىرىستىك شەبەرحانالار.مينيستر ەرجان سادەنوۆ جاڭا مەكەمەنىڭ اشىلۋىنا قاتىستى ماڭىزدى مالىمدەمە جاسادى.
«مۇنداي مەكەمەنىڭ اشىلۋى – ءسوزسىز ماڭىزدى قادام. بىراق مۇنى مەرەكە دەپ قاراستىرۋعا بولمايدى. بۇل جەردە جاسوسپىرىمدەر تۋرالى ءسوز بولىپ وتىر جانە ءبىزدىڭ باستى مىندەتىمىز – بۇل مەكەمەنىڭ تولماۋى ءۇشىن قولدان كەلگەننىڭ ءبارىن جاساۋ. پروفيلاكتيكا, وتباسىمەن جۇمىس, ءبىلىم بەرۋ جانە قولداۋ – جازادان بۇرىن تۇرۋى كەرەك», دەدى مينيستر.
ءىىم مۇنداي كەشەندى ءتاسىل جاسوسپىرىمدەرگە بوستاندىققا شىققاننان كەيىن قوعامعا ءساتتى بەيىمدەلۋگە جانە قايتا قىلمىس جاساۋ ىقتيمالدىعىن تومەندەتۋگە مۇمكىندىك بەرەتىنىن اتاپ ءوتتى.