باسەكەلەستىكتى قورعاۋ جانە دامىتۋ اگەنتتىگى اتىراۋ وبلىسى بويىنشا دەپارتامەنتى جىل باسىنان بەرى مەملەكەتتىك سەكتورداعى 100 مەكەمە مەن زاڭدى تۇلعالاردىڭ قىزمەتىنە مونيتورينگ جۇرگىزدى, دەپ حابارلايدى Egemen.kz.
دەپارتامەنت باسشىسى ايگۇل نابيەۆانىڭ ايتۋىنشا, باستى ماقسات – نارىقتا ادال ءارى تەڭ باسەكەلەستىك ورتا قالىپتاستىرۋ, جوسىقسىز باسەكەلەستىك پەن مونوپوليالىق ارەكەتتەردىڭ الدىن الۋ.
«جىل باسىنان بەرى جۇرگىزىلگەن مونيتورينگتىڭ ناتيجەسىندە مادەنيەت جانە ءبىلىم سالاسىنداعى 31 مەكەمە تاراپىنان مونوپولياعا قارسى ورگاننىڭ كەلىسىمىن الماي, قوسىمشا قىزمەت كورسەتكەنى انىقتالدى. وسىعان وراي مەكەمەلەردىڭ باسشىلارىنا زاڭ بۇزۋشىلىقتاردى جويۋ تۋرالى نۇسقاۋ بەرىلدى. جەرگىلىكتى 10 تاۋار نارىعىنداعى باسەكەلەستىكتىڭ جاي-كۇيىنە تالداۋ جۇرگىزىلدى. تالداۋ مەكتەپكە دەيىنگى جانە ورتا ءبىلىم, كوتەرمە جانە بولشەك ساۋدادا ازىق-ت ۇلىك ونىمدەرىن,, اۆياوتىن, كۇنباعىس مايى, ۇن جانە قۇس ەتى نارىعىن قامتىدى», دەيدى ايگۇل نابيەۆا.
ونىڭ دەرەگىنە قاراعاندا, ءبىر سۋبەكتىنىڭ ارەكەتىنەن زاڭنامانى بۇزۋ بەلگىسى انىقتالعان. سونداي-اق جەتى تەرگەپ-تەكسەرۋ تاعايىندالىپ, ونىڭ التاۋى اياقتالعان. بىرەۋى ۋاقىتشا توقتاتىلعان.