مەگاپوليستەگى جەر سىلكىنىسىنەن كەيىن پوليتسيا جاساعى مەن ءورت ءسوندىرۋ كولىكتەرى اۋماقتارعا تەكسەرۋ جۇمىستارىن جۇرگىزىپ جاتىر, دەپ حابارلايدى Egemen.kz.
قالالىق تجد ءباسپاسوز قىزمەتى بۇل تۋرالى تولىق اقپارات بەردى.
«ساعات 13:10-داعى جاعداي بويىنشا پوليتسيانىڭ پاترۋلدىك كولىكتەرى مەن ءورت ءسوندىرۋ بولىمشەلەرى شاعىن اۋدانداردى ارالاپ ءجۇر. ينجەنەرلىك-تەحنيكالىق ماماندار قۇرىلىستار مەن وزەن ارنالارىنا تەكسەرىس جۇرگىزىپ جاتىر», دەدى ۆەدومستۆو باسشىلارى.
«قازسەلقورعاۋ» ماماندارى وزەن ارنالارىنا, گيدروتەحنيكالىق نىساندارعا قاۋپى بار جانە سەل ءجۇرۋى مۇمكىن ۋچاسكەلەرگە تەكسەرۋ جۇرگىزىپ جاتىر. سونداي-اق ادامدار كوپ جۇرەتىن نىسانداردىڭ ىقتيمال زاقىمدانۋى دا نازاردا. قازىر ولاردىڭ بارلىعى شتاتتىق رەجيمدە جۇمىس ىستەپ تۇر. تجد مالىمەتىنشە, زارداپ شەككەندەر مەن قيراۋلار تۋرالى اقپارات تۇسپەگەن.
ەسكە سالايىق, بۇعان دەيىن الماتى تۇرعىندارىنا جەراستى دۇمپۋلەرى سەزىلگەن. پاتەر قابىرعالارى مەن شامدار ءسال دىرىلدەگەن, كوپقاباتتى ۇيلەردە تۇراتىنداردىڭ كوبى قاۋىپسىزدىك ءۇشىن دالاعا شىققان.
تجم حابارلاۋىنشا, 4 جەلتوقساندا 12:44-تە سەيسميكالىق ستانتسيالار جەلىسى جەر سىلكىنىسىن تىركەگەن. الماتىداعى ەسەپتىك جەر سىلكىنىسى قارقىندىلىعى ءۇش باللدى قۇرادى.
جەر سىلكىنىسىنە بايلانىستى سەنىم تەلەفونى ىسكە قوسىلدى. سونداي-اق الماتى مەتروپوليتەنى جۇمىسىن ۋاقىتشا توقتاتتى.