ەلىمىزدە 16 جاسقا دەيىنگى بالالارعا الەۋمەتتىك جەلىلەردى قولدانۋعا تىيىم سالۋ تۋرالى زاڭ جوباسى قوعامدىق تالقىلاۋعا شىعارىلدى. زاڭ جوباسى «اشىق نقا» پورتالىندا جاريالاندى, دەپ حابارلايدى Egemen.kz.
«ونلاين-پلاتفورمالار جانە بۇقارالىق اقپارات قۇرالدارى ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى 4 جەلتوقساندا «اشىق نقا» پورتالىندا ورنالاستىرىلدى.
قۇجاتتىڭ 10 باپ 1-تارماعىندا بالالاردى دەنساۋلىعىنا جانە دامۋىنا زيان كەلتىرۋى مۇمكىن اقپاراتتان قورعاۋ ماسەلەسى قامتىلعان. وندا 16 جاسقا دەيىنگى بالالاردىڭ ونلاين-پلاتفورمالاردا تىركەلۋىنە تىيىم سالۋ كوزدەلگەن. تەك جەدەل حابار الماسۋ سەرۆيستەرىنە تىركەلۋگە قاتىستى ەرەكشەلىك قاراستىرىلعان.
تۇسىندىرمە جازبادا زاڭ جوباسىن ازىرلەۋدىڭ ماقساتى – ونلاين-پلاتفورمالارداعى زاڭعا قايشى كونتەنت كولەمىن ازايتۋ, سونداي-اق ونلاين-پلاتفورمالار مەن ماسس-مەديانىڭ دامۋىنا بايلانىستى زاڭنامانى وزەكتەندىرۋ ءۇشىن قاجەتتى قۇقىقتىق نەگىز قالىپتاستىرۋ.
زاڭ جوباسى بويىنشا قوعامدىق تالقىلاۋ 29 جەلتوقسانعا دەيىن جالعاسادى.